10.08.2026 | 15:28
Արթուր Ղարիբյան. «Ինչը կարող է ավելի լավ լինել, քան «Զենիթին» հաղթելը»
Քարվաճառի բուժմիավորումը կվերանորոգվի. հարակից տարածքում կկառուցվի նոր մասնաշենք
Հասարակություն
21.07.2020 | 17:28
«Հայաստան» համահայկական հիմնադրամի Ֆրանսիայի տեղական մարմնի և ԱՀ կառավարության համաֆինանսավորմամբ Քարվաճառում մեկնարկել են շրջանային բուժմիավորման վերանորոգման և նոր մասնաշենքի կառուցման աշխատանքները:
«Արցախպրես»-ի հետ զրույցում «Հայաստան» համահայկական հիմնադրամի մամուլի խոսնակ Արմինե Թոխմախյանն ասել է, որ շինարարական աշխատանքները սկսվել են ընթացիկ տարվա հունիսին: Նրա խոսքով՝ հիվանդանոցը կառուցվել է Խորհրդային միության տարիներին և վերջին անգամ մասնակի նորոգվել է 1998-2000 թթ․-ին։
«Երկհարկանի բուժմիավորումը Շահումյանի շրջանի գլխավոր բուժսպասարկող կառույցն է և տարեկան սպասարկում է 150-200 ստացիոնար պացիենտի։ Ծրագրի շրջանակներում երկհարկանի բուժմիավորումը կվերանորոգվի, իսկ նորակառույց մեկ հարկանի մասնաշենքում կհիմնվեն նախավիրահատական և վիրահատական սենյակներ, ծննդասենյակ, ատամնաբուժարան և բուժքույրերի սենյակ: Նորակառույցը գործող մասնաշենքի հետ կմիացվի միջանքային կառույցով»,- նշել է Ա. Թոխմախյանը:
Նրա խոսքով՝ շինարարական աշխատանքները նախատեսվում է ավարտել 2021 թ.-ի դեկտեմբերին:
