19.12.2025 | 16:09
Ադրբեջանի Մեջլիսը դատապարտել է Բաքվի դեմ Եվրախորհրդարանի բանաձևը
Լրատվամիջոցների դեմ դատական հայցերը գրեթե կրկնակի աճել են, ֆիզիկական բռնություններ են գրանցվել․ ԽԱՊԿ նախագահ․ ՏԵՍԱՆՅՈՒԹ
Հասարակություն
21.07.2020 | 13:27
2020 թվականի երկրորդ եռամսյակի ընթացքում 2 ֆիզիկական բռնություն գրանցվեց լրագրողների նկատմամբ։ Այս մասին այսօր հրավիրված ասուլիսի ժամանակ հայտարարեց Խոսքի ազատության պաշտպանության կոմիտեի նախագահ Աշոտ Մելիքյանը։
«Կրկին քաղաքական իրավիճակի սրման հետ կապված լրագրողների նկատմամբ կատարվեցին բռնություններ, կրկին Ոստիկանության կողմից, կրկին լսեցինք Ոստիկանության կողմից ներողություններ, բայց, ինչպես և նախորդ իշխանության օրոք, երբ որևէ քաղաքական ակցիայի դեմ ոստիկանական գործողություններ են իրականացվում, չգիտես ինչու՝ անպայման թիրախ է դառնում նաև լրագրողը։ Ամենայն հավանականությամբ, դա գործելաոճ է Ոստիկանության կողմից և ուղղված է նրան, որպեսզի ուժային գործողությունները որքան հնարավոր է քիչ լուսաբանվեն և տարածվեն։ Սա ենթադրություն է, բայց փաստը մնում է փաստ, որ կրկին լրագրողների նկատմամբ ֆիզիկական բռնություններ կիրառվեցին՝ ի տարբերություն նախորդ եռամսյակի»,- նշեց Մելիքյանը։
Նա նաև ընդգծեց, որ երկրորդ եռամսյակում ճնշումների ընդհանուր քանակը նվազել է, իսկ տեղեկատվություն ստանալու իրավունքի խախտումները մի փոքր ավելացել են։
«Երկրորդ եռամսյակի ընթացքում շարունակվեց այն միտումը, որ լրագրողների և լրատվամիջոցների դեմ դատական հայցերն ավելացան։ Եթե առաջին եռամսյակում ընդամենը 12-ն էին այդպիսի գործերը, ապա երկրորդ եռամսյակի ընթացքում գրանցվել է ևս 23 դեպք»,- նշեց ԽԱՊԿ նախագահը։
Մանրամասները՝ տեսանյութում։
