11.09.2026 | 21:05
Փրկարարները Ալավերդիում 15 մետր խորությունից դուրս են բերել արգելափակված օտարերկրացուն
Առանց ծանուցելու որոշում է կայացվել․ Ռուբեն Հայրապետյանը պնդում է՝ ՀՊՏՀ ռեկտորի մրցույթն անօրինական է. ՏԵՍԱՆՅՈՒԹ
Հասարակություն
21.07.2020 | 13:09
Հուլիսի 17-ին անցկացված ՀՊՏՀ ռեկտորի մրցույթն ապօրինի է, և շուտով նոր մրցույթ պետք է լինի։ Այս մասին այսօր հրավիրված ասուլիսի ժամանակ հայտարարեց Տնտեսագիտական համալսարանի նախկին ռեկտոր Ռուբեն Հայրապետյանը։
Նա նշեց, որ հուլիսի 17-ին ռեկտորի ընտրությունից 1 ժամ առաջ ԿԳՄՍ փոխնախարար Գրիշա Թամրազյանը ԴԱՀԿ ծառայության շենքում է գտնվել, որից րոպեներ անց հանվել է ՀՊՏՀ ռեկտորի մրցույթ անցկացնելու՝ ԴԱՀԿ արգելանքը, այնուհետև, նույն օրը, փոխնախարարի մտերիմը՝ Դիանա Գալոյանն ընտրվել է ռեկտորի պաշտոնում:
«Մրցույթից 1 օր առաջ ֆանտաստիկ, չլսված մեխանիզմներով հայցի ապահովման միջոցը վերացվում է դատարանի կողմից։ Ընդ որում՝ դա վերացվում է դատական նիստին առանց հայցվոր կողմին, այսինքն՝ առանց մեզ պատշաճ կերպով ծանուցելու և որոշումն ինձ ուղարկելու։ Այսինքն՝ իմ մեջքի հետևում ինչ-որ դատական նիստ են հրավիրում, օրենքի կոպտագույն խախտումներով, և սա դեռ բավարար չէ։ Դատարանի որոշման մեջ նշվում է, որ, չգիտես ինչու, ես չեմ կարող բողոքարկել դատական այդ որոշումը վերաքննիչ դատարանում»,- նշեց Հայրապետյանը։
Նրա խոսքով՝ իրեն պաշտոնը չի հետաքրքրում, ինքը կմասնակցի ռեկտորի թափուր մրցույթին, եթե նկատի, որ ուսանողների մեծ մասի կողմից ցանկություն կա իրեն տեսնելու այդ պաշտոնում։
Մանրամասները՝ տեսանյութում։
