10.08.2026 | 13:31
ՔՊ-ից ովքեր են կողմ քվեարկել Արամ Վարդևանյանի թեկնածությանը
Ադրբեջանը պետք է վերջ տա իր սադրիչ ու վտանգավոր սպառնալիքներին․ Լոս Անջելեսի քաղաքապետ
Քաղաքականություն
21.07.2020 | 11:53
Լոս Անջելեսի քաղաքապետ Էրիկ Գարսեթին Twitter-ի իր միկրոբլոգում գրառում է կատարել, որտեղ անդրադարձել է վերջին շրջանի հայ-ադրբեջանական լարվածությանը։
«Մենք հայ համայնքի հետ ենք՝ ընդդեմ բռնության։ Ադրբեջանը պետք է վերջ տա Հայաստանի քաղաքացիական ԱԷԿ-ին հարվածելու իր սադրիչ ու վտանգավոր սպառնալիքներին և պետք է ընդունի միջազգային դիտորդներին։ Երկխոսությունը և դիվանագիտությունը տարածաշրջանում խաղաղության և անվտանգության տանող միակ ուղին են», – գրել է քաղաքապետը։
Հիշեցնենք՝ հուլիսի 12-ին Հայաստանի և Ադրբեջանի սահմանին (Տավուշի հատվածում) իրավիճակը կտրուկ սրվել էր, երբ ադրբեջանցի զինծառայողները ՈւԱԶ-ով պետական սահմանը խախտելու փորձ էին կատարել: Մի քանի օր տևած մարտական գործողությունների ընթացքում կողմերը կիրառել են հրետանի, անօդաչու թռչող սարքեր և այլ զինտեխնիկա։
Պաշտոնական տվյալներով՝ ադրբեջանական կողմից զոհվել է 12 զինվորական, այդ թվում՝ բարձրաստիճան սպաներ, և մեկ քաղաքացիական անձ, իսկ հայկական կողմից՝ 4 զինվորական, որոնցից երկուսը՝ սպա:
