26.09.2026 | 13:06
Հայաստանն ու Ռուանդան համաձայնագիր են ստորագրել հատուկ անձնագրերով քաղաքացիների մուտքի արտոնագրի պահանջի վերացման մասին
Ադրբեջանում Սերբիայի գործերով ժամանակավոր հավատարմատարն ԱԳՆ է կանչվել՝ Սերբիայի կողմից ՀՀ-ին ականանետներ մատակարարելու լուրերի առնչությամբ
Քաղաքականություն
20.07.2020 | 18:41
Ադրբեջանում Սերբիայի գործերի ժամանակավոր հավատարմատար Դանիցա Վեյնովիչը Ադրբեջանի ԱԳ նախարարություն է կանչվել՝ Սերբիայի կողմից Հայաստանին մեծ քանակությամբ ականանետներ մատակարարելու մասին լուրերի առնչությամբ, և հանդիպում ունեցել փոխարտգործնախարար Խալաֆ Խալաֆովի հետ: Այս մաիսն հայտնում է ՌԻԱ Նովոստին։
Հանդիպման ժամանակ Խալաֆովը Վեյնովիչին տեղեկացրել է, որ Սերբիայից Հայաստան է տեղափոխվել մեծաքանակ զինամթերք` ներառյալ ականանետներ և տարբեր տրամաչափի զենքեր:
Ադրբեջանի փոխարտգործնախարարը նշել է, որ Սերբիայի այդ «քայլը խորը ափսոսանք և հիասթափություն է առաջացնում ադրբեջանցի ժողովրդի ու երկրի ղեկավարության մոտ, ինչպես նաև վնասում երկու երկրների միջև բարեկամական հարաբերություններին ու ռազմավարական գործընկերությանը»:
Խալիֆովը հայտարարել է, որ Ադրբեջանը հարցի շուրջ Սերբիայից բացատրության է սպասում։
Դանիցա Վեյնովիչն իր հերթին նշել է, որ նման տեղեկության չի տիրապետում, և որ միջադեպի մասին Բելգրադին տեղյակ կպահի։
Հավելենք՝ ավելի վաղ մի շարք ԶԼՄ-ներում լուրեր էին տարածվել, թե Սերբիայից Հայաստան են ուղարկվել տարբեր տրամաչափի ականանետներ: Նշվում է, որ դրանք Հայաստան են հասցվել Վրաստանի տարածքով:
Նելլի Մելքոնյան
