ՀՀ 3 տասնյակից ավելի բուհերում թափուր տեղեր են մնացել․ մեկնարկել է լրացուցիչ փուլի դիմում-հայտերի ընդունումը

Այսօրվանից մեկնարկել է բուհերի թափուր տեղերի համար նախատեսված դիմում-հայտերի ընդունման փուլը։ Թափուր տեղեր են մնացել Հայաստանի 35 բուհերում։

Ամենաշատ թափուր տեղերը Ճարտարապետության և շինարարության Հայաստանի ազգային համալսարանի Շինարարության ֆակուլտետում են՝ 410 տեղ, Տնտեսագիտության ֆակուլտետում՝ 116 տեղ, Վ.Բրյուսովի անվան պետական համալսարանի Մասնագիտական մանկավարժություն, գերմաներեն լեզու և գրականություն ֆակուլտետում՝ 47 տեղ, Հայաստանի ազգային ագրարային համալսարանի Անասնաբուժական-բժշկագիտության և անասնաբուծության ֆակուլտետում՝ 79 տեղ, Ագրոպարենային համակարգի տնտեսագիտական մասնագիտություններ ֆակուլտետւմ՝ 72 տեղ , Ագրոպարենային համակարգի տնտեսագիտական մասնագիտություններ (բ) ֆակուլտետում՝ 82, Ագրարային ճարտարագիտության ֆակուլտետում՝ 194, Պարենամթերքի տեխնոլոգիաների ֆակուլտետում՝ 224, Ագրոնոմիական ֆակուլտետում՝ 103 տեղեր, Երևանի «Գլաձոր» համալսարան իրավագիտություն՝ 80 տեղ, Լրագրություն՝ 44 տեղ, Ֆինանսներ (ըստ ոլորտի)՝ 44, Երևանի «Գալիք» համալսարանի իրավագիտություն՝ 100, Երևանի «Հայբուսակ» համալսարան Ստոմատոլոգիա 168, Անգլերեն լեզու և գրականություն՝ 100, Բնապահպանություն և բնօգտագործում՝ 90, Բուժական գործ՝ 57, Ֆարմացիա՝ 100, Տնտեսագիտություն՝ 120, Իրավագիտություն՝ 88, Հոգեբանություն՝ 80, Կառավարում (ըստ ոլորտի) 70 տեղեր։ Ամենաքիչը՝ ըստ մասնագիտության՝ Երևանի պետական համալսարանում Սոցոլոգիա մասնագիտությամբ ՝1, Հայաստանի պետական տնտեսագիտական համալսարանում՝ Ակտուարական և ֆինանսական մաթեմատիկա՝ 1, Վանաձորի պետական համալսարան՝ Ակտուարական և ֆինանսական մաթեմատիկա 1։

Լրացուցիչ փուլի արդյունքները կհրապարակվեն հուլիսի 25-ին։

Հիշեցնենք, որ թափուր տեղերի դիմում-հայտերը կարելի է լրացնել առցանց եղանակով մինչև հուլիսի 22-ի ժամը 18.00-ն։ Թափուր տեղերի ընդհանուր թիվը 12․250 է։ Բուհերի ընդունելության թափուր տեղերի ամբողջական ցանկը՝ այստեղ։