Քաղաքականություն
29.11.2017 | 13:05Ազգային ժողովի արտաքին հարաբերությունների հանձնաժողովում ընդդիմադիր «Ելք» խմբակցության Եվրասիական տնտեսական միությունից (ԵՏՄ) դուրս գալու գործընթաց սկսելու վերաբերյալ ԱԺ հայտարարության նախագծի քննարկմանը խմբակցության պատգամավոր Արամ Սարգսյանն արձանագրեց՝ անկախ ամեն ինչից քննարկումները դրական էին:
«Մենք հասանք նրան, որ ընդդիմադիր խմբակցությունը կարողացավ հանրային մասնագետների մասնակցությամբ լսումներ անցկացնել խորհրդարանի դահլիճում և լուրջ հարցեր քննարկել»,- շեշտեց Արամ Սարգսյանը:
Պատգամավորի համոզմամբ՝ քննարկումներին, սակայն, իշխող ուժի որևէ ներկայացուցիչ չկարողացավ հիմնավորել՝ ինչու են դեպի Հայաստան ներդրումները նվազել:
«Որևէ մեկը որևէ հիմնավորում չբերեց, թե ինչու են ներդրումները կտրուկ նվազել: Որևէ մեկը չասաց, որ դրա պատճառը վատ ընտրություններն են, վատ դատական համակարգը և այլն: Ընդհակառակը՝ երբ մենք արգումնետներ էինք բերում, ասում էին՝ այն ուղղությունները, որոնք դուրս են եկել տնտեսական այս համակարգից, այլ ուղղություն են վերցրել, ապագայի տեսլական ունեն, ասում էին՝ մենք ազատ առևտրի փաստաթուղթ ստորագրել ենք, ո՞վ է խանգարում, որ արտահանենք»,- շարունակեց ընդդիմադիր պատգամավորը՝ նկատելով, որ ստեղծված իրավիճակի պատասխանատուն իշխանությունն է:
Մանրամասները՝ տեսանյութում:
