29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Վայոց Ձորի և Սյունիքի մարզի 100 գյուղական բնակավայր սպասարկող անասնաբույժներին, կաթ մթերողներին տրամադրվել է կորոնավիրուսային վարակի անհատական պաշտպանիչ պարագաներ
Հասարակություն
17.07.2020 | 20:11
Նոր կորոնավիրուսի կանխարգելման միջոցառումներին նպաստելու նպատակով Վայոց Ձորի և Սյունիքի մարզի 100 գյուղական բնակավայր սպասարկող մասնավոր անասնաբույժներին, կաթ մթերող կոոպերատիվներին ու ընկերություններին տրամադրվել է անհատական պաշտպանիչ պարագաներ՝ 7,500 հատ բժշկական դիմակ, 15,000 զույգ ձեռնոց և ախտահանիչ նյութեր: Աջակցությունը տրամադրվել է Շվեյցարիայի զարգացման և համագործակցության գործակալության ֆինանսավորմամբ իրականացվող «Անասնապահության զարգացում Հայաստանի հարավում» ծրագրի շրջանակներում:
Ծրագրի աջակցությամբ 70 անասնաբույժ մասնագետներին և 50 կաթ մթերողներին տրամադրվելու է նաև հատուկ հանդերձանքի 180 հավաքածու, 90 ձեռքերի ախտահանման սարքեր և այլ պարագաներ, ինչպես նաև մասնագիտական աջակցություն համավարակի պայմաններում կաթի և մսի արժեշղթաներում անասնաբուժական, կաթի մթերման և այլ հարակից ծառայությունների անխափան և շարունակական աշխատանքի ապահովման նպատակով:
«Անասնապահության զարգացում Հայաստանի հարավում» ծրագրի շրջանակներում մինչև սույն թվականի օգոստոսի վերջ կիրականացվեն մի շարք լրացուցիչ միջոցառումներ, որոնք նպատակ ունեն աջակցելու կաթի և մսի արժեշղթաների մասնակիցներին համավարակի պայմաններում ապահովել աշխատանքների անվտանգ և անխափան իրականացումը:
