29.04.2026 | 10:59
Վնասվել է Մարտունիի Սուրբ Ներսես Մեծ եկեղեցու գմբեթի խաչը
Գերագույն Ռադայի պատգամավորը կտրուկ քննադատել է Ուկրաինայի ԱԳՆ հայտարարությունը՝ կապված Հայաստանի ու Ադրբեջանի սահմանին իրավիճակի սրման հետ
Քաղաքականություն
17.07.2020 | 20:26
Գերագույն ռադայի պատգամավոր Դարյա Վոլոդինան կտրուկ քննադատել է Ուկրաինայի ԱԳՆ հայտարարությունը՝ կապված Հայաստանի եւ Ադրբեջանի սահմանին իրավիճակի սրման հետ»,- հայտնում է AnalitikaUA.net-ը:
Ըստ պատգամավորի՝ հենց նման «դիվանագիտական» գործունեությունն է բերում անառողջ արդյունքների:
«Ադրբեջան-Հայաստան հակամարտությանը վերաբերող միակողմանի հայտարարությունները մասնագիտական անպիտանելիության ցուցանիշ են, պարոնա՛յք: Եվ եթե ընկեր Բոդնարի կամայականությունների առիթով իրավապահ մարմինները պետք զբաղվեն եւ կզբաղվեն, ապա, ընդհանուր առմամբ, թող համաշխարհային դիվանագիտական հանրությունը գնահատական տա ձեր աշխատանքին: Ուղղակի հիշեցնում եմ, որ միայն Թուրքիան է համաշխարհային ասպարեզում այդպիսի թեզեր արտահայտում վերը նշված հակամարտության վերաբերյալ:
Գուցե դուք պարզապես չունե՞ք բավարար որակյալ մասնագետներ: Միգուցե օգնությո՞ւն է պետք։ Թե՞ մասնագիտական որոշ գրքեր արժե նվիրել: Դուք միայն ակնարկեք, պատգամավորները կօգնեն»,- ասել է Վոլոդինան:
Ինչպես ավելի վաղ հաղորդվել էր, Դարիա Վոլոդինան ղեկավարում է Գերագույն ռադայի ամենամեծ միջխմբակցական միավորումը:
Հիշեցնենք, որ ավելի վաղ Ուկրաինայի արտգործնախարարությունը հանդես էր եկել Ադրբեջանի տարածքային ամբողջականությանն աջակցելու օգտին, չնայած որ հենց Ադրբեջանն էր նախաձեռնել նոր էսկալացիա, որը ղարաբաղյան հակամարտության գոտուց դուրս:
