29.04.2026 | 17:01
ՄԱԿ-ը հայտնում է, որ Իրանում պատերազմի սկզբից ի վեր մահապատժի է ենթարկվել առնվազն 21 մարդ, ձերբակալվել՝ 4000-ը
Նախագահ Արմեն Սարգսյանն իր զորակցությունն ու շնորհակալությունն է փոխանցել տավուշցիներին
Քաղաքականություն
17.07.2020 | 18:52
Հանրապետության նախագահ Արմեն Սարգսյանի հանձնարարությամբ նախագահի աշխատակազմի ղեկավար Էմիլ Տարասյանը հեռախոսազրույց է ունեցել Տավուշի մարզպետ Հայկ Չոբանյանի հետ:
«Նշելով նախագահի խիստ մտահոգությունը սահմանագոտում ստեղծված իրավիճակի և, հատկապես, Ադրբեջանի կողմից հայկական բնակավայրերի խաղաղ բնակչության թիրախավորման փաստերի վերաբերյալ՝ Էմիլ Տարասյանը հետաքրքրվել է օրերս հակառակորդի մարտական անօդաչու սարքի հարվածից վիրավորված Չինարի գյուղի բնակիչ Արամայիս Հովակիմյանի առողջական վիճակով, ինչպես նաև խնդրել է Հանրապետության նախագահի զորակցության և շնորհակալության խոսքերը փոխանցել սահմանամերձ բնակավայրերի մեր հայրենակիցներին:
Տավուշի մարզպետ Հայկ Չոբանյանը տեղեկություններ է ներկայացրել ադրբեջանական հարձակումներից խաղաղ բնակչության և բնակավայրերի կրած վնասների մասին, որոնց վերաբերյալ տվյալները դեռևս նախնական են:
Նախագահի աշխատակազմի ղեկավարը փոխանցել է Հանրապետության նախագահի և նախագահի աշխատակազմի պատրաստակամությունը՝ վնասների վերաբերյալ տվյալների հստակեցումից և ամբողջացումից հետո, մարզային իշխանությունների հետ քննարկել աջակցության հնարավորությունները»,- ասված է ՀՀ նախագահի աշխատակազմի տարածած հաղորդագրությունում:
