12.10.2026 | 16:10
ՆԱՏՕ-ի բարձրագույն հրամանատարը կզգուշացնի Ռուսաստանին դաշինքի՝ հակահարված հասցնելու կարողության վերաբերյալ
Դիանա Գալոյանը զրկվեց տնտեսագիտության դոկտորի գիտական աստիճանից, սակայն ընտրվեց ՀՊՏՀ ռեկտորի պաշտոնում
Հասարակություն
17.07.2020 | 18:32
Այսօր «Հայաստանի պետական տնտեսագիտական համալսարան» ՊՈԱԿ-ի ռեկտորի թափուր պաշտոնի համար հայտարարված մրցույթում ընտրվեց Դիանա Գալոյանը։ Այս մասին տեղեկանում ենք համալսարանի կայքից։
ՀՊՏՀ-ում հրավիրված խորհրդի նիստում փակ, գաղտնի քվեարկությամբ նրա թեկնածությանը կողմ են քվեարկել խորհրդի 22 անդամներ։
Նշենք, որ ՀՀ ԿԳՄՍՆ բարձարգույն որակավորման հանձնաժողովը այսօր՝ հուլիսի 17-ի իր նիստում որոշում է կայացրել, որով անվավեր է ճանաչել Տնտնեսագիտական համալարանի նախկին ռեկտոր Դիանա Գալոյանի՝ միջազգային տնտեսագիտություն մասնագիտությամբ տնտեսագիտության դոկտորի գիտական աստիճան շնորհելու մասին որոշումը, ինչը Դիանա Գալոյանը կարող է բողոքարկել։
Դիանա Գալոյանը 2019 թվականի մայիսի 13-ին նշանակվել է Հայաստանի պետական տնտեսագիտական համալսարանի ուսումնական աշխատանքների գծով պրոռեկտոր, իսկ 2019 թվականի օգոստոսի 22-ից աշխատում էր որպես ՀՊՏՀ ռեկտորի պաշտոնակատար։
Հիշեցնենք նաև, որ ՀՊՏՀ ռեկտորի մրցույթի օրինականության հարցը նախկին ռեկտոր Ռուբեն Հայրապետյանի կողմից վիճարկվում է դատարանում։
Դատարանը ՀՊՏՀ ռեկտորի մրցույթը կասեցնելու որոշում էր կայացրել, ինչից հետո, սակայն, ՀՀ ԿԳՄՍ նախարարությունը Երևան քաղաքի ընդհանուր իրավասության դատարան միջնորդություն էր ներկայացրել քաղաքացիական գործերով հայցի ապահովման միջոցը վերացնելու մասին, որը դատարանը սույն թվականի հուլիսի 16-ին բավարարել է։
