01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
«Նստած եմ տանը, ապագայի մասին դեռ որոշում չեմ կայացրել»․ Մամեդյարովը խոսել է իր պաշտոնակությունից
Քաղաքականություն
17.07.2020 | 17:44
Ադրբեջանի արդեն նախկին ԱԳ նախարար Էլմար Մամեդյարովը, որը նախօրեին երկրի նախագահ Իլհամ Ալիևի կողմից պաշտոնանկ արվեց, հարցազրույց է տվել տեղական Gununsesi.org կայքին։ Նա նշել է, որ պաշտոնը հավերժ չէ, և իրեն այժմ լավ է զգում։
«Երկու օր է անցել, ինչ աշխատանքից ազատվել եմ։ Նստած եմ տանը, ապագայի մասին դեռ որոշում չեմ կայացրել։ Խոստանում եմ, որ եթե կայացնեմ, ձեզ տեղյակ կպահեմ»,- ասել է Մամեդյարովը։
Հարցին՝ ի՞նչ կարծիք ունի նոր արտգործնախարարի ու նրա դիվանագիտական փորձի բացակայության մասին, Էլմար Մամեդյարովն նշել է, որ նրան հաջողություն է ցանկանում։
«Նա խելացի մարդ է։ Մենք անձնապես ծանոթ ենք։ Ինչ վերաբերում է հարցի երկրորդ մասին, այդ մասին ինձ չէ, որ պետք է հարցնեք։ Ավելի լավ է՝ հարցրեք հենց Բայրամովին»,- ասել է նախկին պաշտոնյան։
Հիշեցնենք, որ Ադրբեջանի նախագահ Իլհամ Ալիևը կոշտ քննադատության էր ենթարկել Էլմար Մամեդյարովին՝ հայտարարելով, որ հուլիսի 12-ին հայ-ադրբեջանական սահմանին իրադրության լարվածության սկզբից Ադրբեջանի ամբողջ ղեկավարությունը գտնվել է աշխատավայրերում՝ բացառությամբ Մամեդյարովի։
«Ես չկարողացա գտնել նրան, նա իր աշխատավայրում չէր»,- դժգոհել էր Ալիևը։
Կարճ ժամանակ անց արդեն Ալիևը Մամեդյարովին ազատեց ԱԳ նախարարի պաշտոնից՝ նրա փոխարեն նշանակելով կրթության նախարար Ջեյհուն Բայրամովին։
Էմմա Չոբանյան
