21.05.2026 | 13:44
Իրանը քննարկում է ԱՄՆ-ի առաջարկը, Թրամփը հայտարարում է՝ խաղաղության բանակցությունները «սահմանագծին» են
Պատվաստումների կատարողականը մոտ 27 %-ով նվազել է․ Գայանե Սահակյան. ՏԵՍԱՆՅՈՒԹ
Հասարակություն
17.07.2020 | 12:18
Այս տարվա մարտ ամսից սկսած նախորդ տարվա նույն ժամանակահատվածի համեմատ պատվաստումների կատարողականը մոտ 27 %-ով նվազել է։ Այս մասին այսօր մամուլի ասուլիսի ժամանակ հայտնեց ՀՀ ԱՆ Հիվանդությունների վերահսկման և կանխարգելման ազգային կենտրոնի գլխավոր տնօրենի տեղակալ, իմունականխարգելման ազգային ծրագրի ղեկավար Գայանե Սահակյանը։
Վերջինիս խոսքով՝ Առողջապահության նախարարությունը ձեռնամուխ է եղել անվտանգության միջոցառումների ձեռնարկմանը․ «Մասնավորապես՝ բոլոր բոուժհաստատություններում հրահանգվել է համաճարակաբանական ֆիլտրի ձեռնարկում։ Սա նշանակում է, որ բուժհաստատությունները, եթե ունեն 2 մուտք, նրանցից մեկը նախատեսվեց առողջ բնակչության համար։ Բնակիչն արդեն հարցվում էր ու եթե գնում էր պատվաստումների համար, ուղղորդվում էր այդ մուտք։ Եթե բուժհաստատությունն ունի 1 մուտք, ապա հենց դռների մոտ կիրառվում էր այդ ֆիլտրը և եթե հիվանդ է, ուղղորդվում է մեկուսարան»,- մասնավորապես նշեց Սահակյանը։
Հիմնականում նվազել են կարմրուկ, կարմրախտ, խոզուկ հիվանդությունների պատվաստումները:
Մանրամասները՝ տեսանյութում։
