18.11.2024 | 11:23
Կարեն Անդրեասյանից հետո ԲԴԽ նախագահի պարտականությունները կկատարի Արմեն Դանիելյանը
Պատգամավորներին գրավոր քվեարկելու իրավունք տվող նախագիծը չընդունվեց. ՏԵՍԱՆՅՈՒԹ
Քաղաքականություն
16.07.2020 | 14:10
ԱԺ-ն երկրորդ ընթերցմամբ դեմ քվեարկեց «ԱԺ կանոնակարգ օրենքում» փոփոխություններ կատարելու մասին նախագծին, որով նախատեսվում է գրավոր քվեարկության իրավունք տալ արտակարգ դրության ընթացքում համավարակի հիմքով մեկուսացման կամ ինքնամեկուսացման ցուցում ունեցող պատգամավորներին:
«Իմ քայլը» խմբակցության պատգամավոր Վլադիմիր Վարդանյանը վարման կարգով ունեցած ելույթում կոչ արեց դեմ քվեարկել նախագծին և այն ուղարկել գրավոր առաջարկների փուլ։
«Հաշվի առնելով այն հանգամանքը, որ այս նախագիծը նպատակ ունի արտակարգ դրության ժամանակ ԱԺ բնականոն գործունեության ապահովման համար համապատասխան երաշխիքներ ստեղծել, և այն հանգամանքը, որ արտակարգ դրության իրավական ռեժիմը երկարացնելու մասին որոշումն այստեղ ներկայացնելիս ՀՀ պարետը, ըստ էության, նշեց, որ օրենսդրական համապատասխան փոփոխություններով պետք է տանենք, որպեսզի արտակարգ իրավիճակների ռեժիմի շրջանակում կարողանանք հետագա համաճարակային վերահսկողությունն իրականացնել, մենք կարող է ունենանք խնդիր այս օրենքի ընդունումից հետո, որ օրենքը ժամանակավրեպ դառնա»․- նշեց Վարդանյանը։
Նախագծին կողմ քվեարկեց 1, դեմ՝ 79 և ձեռնպահ՝ 6 պատգամավոր։
Մանրամասները՝ տեսանյութում։
