13.12.2024 | 22:26
Նախիջևանի առանձին համազորային բանակի հրամանատարն այցով Թուրքիայում է
Կոռուպցիայի կանխարգելման հանձնաժողովի անդամ առաջադրելու իրավունքը ԱԺ նախագահին տալու նախագիծն ուղարկվեց գրավոր առաջարկությունների փուլ. ՏԵՍԱՆՅՈՒԹ
Քաղաքականություն
16.07.2020 | 13:55
ԱԺ-ն երկրորդ ընթերցմամբ դեմ քվեարկեց «ԱԺ կանոնակարգ օրենքում» փոփոխություններ կատարելու մասին և «Կոռուպցիայի կանխարգելման համձնաժողովի մասին» օրենքներում փոփոխություններ կատարելու նախագծին, որով նախատեսվում էր Կոռուպցիայի կանխարգելման հանձնաժողովի անդամի թափուր պաշտոնում թեկնածուի առաջադրման իրավունքով օժտել ոչ թե Ազգային ժողովի խմբակցություններին, այլ Ազգային ժողովը ներկայացնելու և նրա բնականոն գործունեությունն ապահովելու իրավասություն ունեցող անձին՝ Ազգային ժողովի նախագահին: Միաժամանակ, նախագծերի փաթեթով առաջարկվում էր համապատասխան իրավասություն վերապահել Ազգային ժողովի նախագահին:
Նախագծի հեղինակ, «Իմ քայլը» խմբակցության պատգամավոր Սուրեն Գրիգորյանը դիմելով պատգամավորներին՝ կոչ արեց դեմ քվեարկել՝ լրացումներ կատարելու նպատակով նախագծերի փաթեթը գրավոր առաջարկությունների փուլ ուղարկելու համար։
«Բարձրացվեցին մի շարք հարցեր, որոնք լրացուցիչ աշխատանք են ենթադրում, քանի որ գործ ունենք սահմանադրական օրենքի հետ, նման հրատապությամբ այդ հարցերի լրիվ լրամշակված չլինելու պարագայում, մտավախություն ունեմ, որ կարող են օրենքում տեղ գտնել ոչ ամբողջությամբ մշակված դրույթներ։ Ուստի ձեզ խնդրում եմ, որպեսզի երկրորդ ընթերցմամբ նախագծին դեմ քվեարկեք, այնուհետև նախագիծը վերադարձվի գրավոր առաջարկությունների փուլ»,- նշեց նախագծի հեղինակը։
Նախագծին կողմ քվեարկեց 1, դեմ՝ 78 և ձեռնպահ՝ 7 պատգամավոր։
Մանրամասները՝ տեսանյութում։
