05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
ԱԺ-ն ամբողջությամբ ընդունեց «Տեսալսողական մեդիայի մասին» և «Լիցենզավորման մասին» օրենքում փոփոխություններ կատարելու նախագիծը. ՏԵՍԱՆՅՈՒԹ
Քաղաքականություն
16.07.2020 | 13:48
Խորհրդարանը երկրորդ ընթերցմամբ ընդունեց «Տեսալսողական մեդիայի մասին» և «Լիցենզավորման մասին» օրենքում փոփոխություններ կատարելու մասին օրենքների նախագծերի փաթեթը: Նախագծի հեղինակներն են «Իմ քայլը» խմբակցության պատգամավորներ Վահագն Թևոսյանը և Մխիթար Հայրապետյանը ու անկախ պատգամավոր Արման Բաբաջանյանը:
Ըստ նախագծի համահեղինակ Վահագն Թևոսյանի առաջինից երկրորդ ընթերցման ժամանակահատվածում փաթեթում կատարվել են հետևյալ փոփոխությունները․ ներառվել է «կարևոր իրադարձություն» հասկացությունը, որն ըստ պատգամավորի՝ եվրոպական օրենսդրությունից վերցված իրողություն է, ենթադրում է պետական կամ համազգային նշանակության քաղաքական, մշակութային, կրոնական, սպորտային իրադարձություններ։
Մրցութային փաստաթղթերում ներառվել են էթիկայի կանոնագիրը և ինքնակարգավորման մեխանիզմը, որն ազատում է ԶԼՄ-ներին կարգավորող մարմնի կողմից որևէ բովանդակային գնահատական տալու պարտավորությունից: Ազգային փոքրամասնություններին հատկացվող եթերաժամանակի ֆիքսվել է՝ հեռուստաեթերով՝ 30 րոպե շաբաթական, ռադիոյով՝ 2 ժամ: Հանրային մուլտիպլեքսում առկա հեռուստաալիքները պետք է անվճար տրամադրեն իրենց ծրագրերը ցանցային օպերատորներին, և վերջիններս դրանք պետք է սփռեն:
Ըստ պատգամավորի՝ այսպիսով հանրային մուլտիպլեքում եղած բոլոր հեռուստաալիքները հունվարի 1-ից հետո բոլոր ցանցային օպերատորներով հասանելի են լինելու հանրությանը։ Ըստ փոփոխությունների՝ ընտրությունների կամ հանրաքվեների լռության օրը հնչած քարոզչության համար հեռարձակողը պատասխանատվության չի ենթարկվում, եթե ուղիղ եթերում զգուշացվել է քարոզչության հեղինակին խախտման մասին: Նախագիծն ընդունվեց պատգամավորների 79 կողմ և 17 դեմ ձայներով։
