19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
«Վե՛րջ տվեք, դա ի՞նչ հարց է»․Մամեդյարովը չի մեկնաբանել Ալիևի քննադատությունը
Քաղաքականություն
16.07.2020 | 13:10
Ադրբեջանի նախագահ Իլհամ Ալիևը նախօրեին կոշտ քննատել էր երկրի արտգործնախարար Էլմար Մամեդյարովին։ Նա ասել էր, թե հուլիսի 12-ին հայ-ադրբեջանական սահմանին իրադրության լարվածության սկզբից Ադրբեջանի ամբողջ ղեկավարությունը գտնվել է աշխատավայրերում՝ բացառությամբ Մամեդյարովի։
«Ես չկարողացա գտնել նրան, նա իր աշխատավայրում չէր»,- դժգոհել էր Ալիևը։
Այս հայտարարությունից հետո լուրեր շրջանառվեցին, որ Մամեդյարովը հրաժեշտ է տալու պաշտոնին։ Լրագրողները փորձել են կապ հաստատել Մամեդյարովի հետ՝ հրաժարականի մասին լուրերը ճշտելու և ընդհանրապես ստեղծված իրավիճակի հետ կապված պարզաբանում ստանալու համար։
«Վե՛րջ տվեք, հանուն Ալլահի։ Այլ հարցեր չկա՞ն։ Դա ի՞նչ հարց է։ Եվ ինչպե՞ս կարելի է այս ուշ ժամին նման բան հարցնել։ Վաղը զանգեք Լեյլա Աբդուլաևին, նա կպատասխանի ձեր բոլոր հարցերին»,- ասել է Մամեդյարովը Gununsesi.org-ի հետ զրույցում։
