07.07.2026 | 12:23
Պայթյուններ Դամասկոսում այն հյուրանոցի մոտ, որտեղ իջևանել է Էմանուել Մակրոնը
Վերջին գործողություններից հետո ադրբեջանական կողմը կորուստներ է կրել․ՊՆ-ն հաստատել է
Քաղաքականություն
16.07.2020 | 12:49
Վերջին գործողություններից հետո Ադրբեջանը կորուստներ է կրել, Պաշտպանության նախարարությունը չի հերքել։ Այս մասին հաղորդում է BBC-ի ադրբեջանական ծառայությունը։
«Ադրբեջանը կորուստներ ունի, որոնց մասին լրացուցիչ կհայտարարվի»,- ասել են Ադրբեջանի ՊՆ-ից։
Լրատվամիջոցի հետ զրույցում Ադրբեջանի ՊՆ ներկայացուցիչ Վագիֆ Դարգահլին ասել է, որ զոհերի մասին տեղեկությունը շուտով կհրապարկվի։ Նա նաև հավելել է, որ քաղաքացիական բնակչության շրջանում տուժածներ չկան։
Նշենք, որ այսօր կայացած Կառավարության նիստում վարչապետ Նիկոլ Փաշինյանը հայտարարեց, որ գիշերը ժամը 3։40-ի սահմաններում Ադրբեջանի ԶՈՒ հատուկ նշանակության ջոկատները, ավելի քան 100 հոգանոց կազմով, հերթական դիվերսիոն հարձակումն են գործել ՀՀ Զինված ուժերի Տավուշի մարզի «Անվախ» կոչվող սահմանապահ դիրքը գրավելու նպատակով։
Հայոց բանակի դիրքապահները նկատել են հակառակորդի շարժը և անցնելով պաշտպանության՝ կանխել դիվերսիոն ներթափանցման փորձը: Թեժ մարտից հետո հակառակորդը հետ է շպրտվել, նախնական տվյալներով՝ տալով զոհեր և վիրավորներ, կորցնելով տեխնիկա:
Հայկական կողմը զոհեր ու վիրավորներ չունի։
Էմմա Չոբանյան
