11.01.2025 | 22:52
Վարչապետը առաջնահերթ է համարում խաղաղության գործընթացը, թվայնացումը և կոռուպցիայի դեմ պայքարը. ՏԵՍԱՆՅՈՒԹ
Թուրքիան արջի ծառայություն է մատուցում Ադրբեջանին. Վ. Հարությունյան. ՏԵՍԱՆՅՈՒԹ
Քաղաքականություն
16.07.2020 | 10:46
«Ի՞նչ է անում այսօր Թուրքիան: Այն արջի ծառայություն է մատուցում Ադրբեջանին, հրահրում է պատերազմ, դրանով փորձում է լուծել այդ նեոօսմանիզմի գաղափարի խնդիրները»,- այսօր հրավիրված ասուլիսի ժամանակ ասաց ՀՀ պաշտպանության նախկին նախարար Վաղարշակ Հարությունյանը՝ ընդգծելով, որ Ադրբեջանի սպաները սովորում են նաև Թուրքիայում:
Ակնհայտ է, որ այնտեղ նրանք հակահայկական դաստիարակություն են ստանում: Թուրքիան հանդես է գալիս որպես Ադրբեջանի աջակից, պաշտպան: Այն հայտարարում է՝ անհրաժեշտության դեպքում պատրաստ է արյուն թափել: Վաղարշակ Հարությունյանը նկատում է, որ Թուրքիայի քաղաքականությունը վերջին տարիներին հենց այդ ուղղությամբ է. արյուն է թափում Սիրիայում, Լիբիայում:
«Մենք պետք է ուշադրություն դարձնենք Թուրքիայի պաշտպանության նախարարի այն հայտարությանը, որ պատրաստ են ռազմական աջակցություն ցույց տալ Ադրբեջանին: Հարց է առաջանում, ինչո՞ւ համար, ինչ է Հայաստանը հարձակվե՞լ է Ադրբեջանի վրա: Տեսնում ենք, որ Թուրքիան ակնհայտ հրահրում է Ադրբեջանին՝ ներկայացնելով, որ գնալով այդ գործողություններին, շահած դուրս կգան: Հույս է տալիս, թե դուք սկսեք, հաջողության ենք հասնելու: Ես կարող եմ միայն ավելացնել, որ դա միանշանակ չի լինելու»,- հավելեց Վաղարշակ Հարությունյանը:
Մանրամասները՝ տեսանյութում։
