15.12.2024 | 11:22
Դժբախտ պատահարի հետևանքով մահացել է Mango-ի հիմնադիրը
Լենա Նազարյանն Ադրբեջանի սադրանքների վերաբերյալ նամակներ է հղել ՉԺՀ-ի և Վրաստանի իր գործընկերներին
Քաղաքականություն
15.07.2020 | 21:45
Ազգային ժողովի փոխխոսնակ Լենա Նազարյանը Ադրբեջանի սանձազերծած գործողությունների վերաբերյալ նամակներ է հղել Չինաստանի Ժողովրդական Հանրապետության և Վրաստանի Հանրապետության իր գործընկերներին: Այս մասին Նազարյանը գրել է Ֆեյսբուքի իր էջում:
«Որպես ՀՀ ԱԺ Հայաստան-Չինաստան, Հայաստան-Վրաստան բարեկամական խմբերի ղեկավար՝ այսօր նամակներ եմ ուղարկել ՉԺՀ Ժողովրդական Ներկայացուցիչների համաչինական ժողովի Չինաստան-Հայաստան բարեկամական ղեկավար Չժան Եսուին և Վրաստանի Խորհրդարանի նախագահի տեղակալ, Վրաստան-Հայաստան պատգամավորական բարեկամական խմբի ղեկավար Գիորգի Վոլսկիին։ Տեղեկացրել եմ նրանց Հայաստանի Հանրապետության հյուսիս-արևելյան սահմանների ուղղությամբ Ադրբեջանի կողմից կատարված ռազմական ագրեսիայի, ինչպես նաև Թուրքիայի արտաքին գործերի նախարարության աջակցող հայտարարությունների մասին, որը ստեղծում է լրացուցիչ լարվածություն, ապակայունացնում է տարածաշրջանային անվտանգությունը»,- գրել է Նազարյանը:
