10.08.2026 | 16:33
Հրդեհ Պռոշյան բնակավայրում․ դեպքի վայր են մեկնել փրկարար ծառայության մարտական հաշվարկներ
Միգուցե դպրոցի տնօրենները ժամանակին 150 000 են վերցրել, 100 000-ը դրել են իրենց գրպանը․ Նարեկ Բաբայան. ՏԵՍԱՆՅՈՒԹ
Հասարակություն
15.07.2020 | 19:09
ԱԺ արտահերթ նիստում քննարկվում է «Պետական ոչ առևտրային կազմակերպությունների մասին» Հայաստանի Հանրապետության օրենքում փոփոխություն և լրացում կատարելու մասին նախագիծը, որ ներկայացրեց Պետգույքի կառավարման կոմիտեի նախագահ Նարեկ Բաբայանը։
«Լուսավոր Հայաստան» խմբակցության պատգամավոր Արմեն Եղիազարյանը նշեց, որ վարձակալները պետք է մոտիվացված լինեն, ստեղծում են պայմաններ, որ երկարաժամկետ ներդրումներ անեն, սակայն ՊՈԱԿ-ների մոտիվացիան անհասկանալի է։
«Գիտենք, որ մարզերում դպրոցները ՊՈԱԿ-ներ են, Երևանից դուրս չկան մարզական բավարար կառույցներ, և դպրոցի սրահներն օգտագործվում են տարբեր մարզական և այլ միջոցառումների համար։ Խնդիր է առաջանում, գուցե փակվե՞ն բոլոր խմբակները»,- հարց ուղղեց նա։
Պետական գույքի կառավարման կոմիտեի նախագահ Նարեկ Բաբայանը նշեց, որ օրենքի նախագծով ընդամենը մեկ տարվա տարբերակումն է հանվում, մյուս հարցերը կարգավորվում են Կառավարության որոշմամբ։ Որոշակի զեղչեր են կիրառվում սպորտային, մարզական, մշակութային, սննդի ծառայություն մատուցող վարձակալների, ինչպես նաև համապատասխան ՊՈԱԿ-ների համար։
«Շուկայական գինը մարզերում, ենթադրվում է, համապատասխանելու է մարզի գներին, նաև կիրառվելու է 50 տոկոսի չափով զեղչ։ Վարձակալի հետաքրքրությունը ևս պահպանվելու է»,- հավելեց նա։
Արմեն Եղիազարյանն արձագանքեց․ «Կարծում եմ՝ դպրոցի տնօրենները կտարակուսեն և շատ դեպքերում չեն ցանկանա տրամադրել իրենց մարզասրահները, քանի որ ժամանակին ստացել են 100 տոկոս վարձավճար և կարողացել նորոգում անել, գումար չեն ունենալու այս պարագայում և սա դեմոտիվացնող գործոն է լինելու»։
«Միգուցե պայմանագրում գրված է եղել 50 հազար դրամ, բայց 150 հազար են վերցրել և 100 հազարը դրել իրենց գրպանը։ Վարձակալը, այդուամենայնիվ, պատրաստ է լինելու շարունակել 150 հազար դրամով վարձակալել, բայց արդեն նորմալ պայմանագրով»,- արձագանքեց Բաբայանը։
Մանրամասները՝ տեսանյութում։
