20.02.2026 | 02:07
Ադելիա Պետրոսյանը մեդալ չնվաճեց ձմեռային Օլիմպիական խաղերում
Սպառողական վարկերի անընդունելի մեծ կշիռը՝ մոտ 27%, մարտահրավեր է․ տարածաշրջանում մեզ մոտ երկիր չկա․ ԿԲ խորհրդի անդամի թեկնածու. ՏԵՍԱՆՅՈՒԹ
Տնտեսություն
15.07.2020 | 17:36
ԱԺ արտահերթ նիստում քննարկվում է ՀՀ Կենտրոնական բանկի խորհրդի անդամի ընտրության հարցը։ «Իմ քայլը» խմբակցության կողմից ներկայացվել է Հովհաննես Խաչատրյանի թեկնածությունը։
ԿԲ խորհրդի անդամի թեկնածուն իր ելույթում ներկայացրեց առաջիկա 5-10 տարիների համար ֆինանսական համակարգի իր տեսլականը։
«Վարկավորման գործում ամեն ինչ միանշանակ չէ, մրցակցությունը կարող է բերել բանկերի կողմից վարկավորման ստանդարտների նվազման՝ վարկային պորտֆելների առաջանցիկ աճի նպատակով: Այս պրոցեսի բացասական հետևանքներից մեկը գերվարկավորվածությունն է: Պատասխանատու վարկավորման մեխանիզմների և ավանդույթների ներդրումն այստեղ այլընտրանք չունի: Այս ճգնաժամում թույլ օղակն էլ հենց սոցիալական մասն է՝ հազարավոր գերվարկավորված տնային տնտեսություններ: Ընդհանրապես, սպառողական վարկերի անընդունելի մեծ կշիռը՝ մոտ 27 տոկոս, մարտահրավեր է ոչ միայն ֆինանսական համակարգի համար, այլ նաև սպառման շատ մեծ հակվածություն ունենալու առումով։ Հայաստանում սպառողական վարկերի տեսակարար կշռի ցուցանիշով մեզ մոտ երկիր չկա տարածաշրջանում, բոլորն ավելի ցածր են»,- նշեց Խաչատրյանը։
Մանրամասները՝ տեսանյութում։
