«Կարապը, խեցգետինը, գայլաձուկը»․ Սուրեն Գրիգորյանն առակ մեջբերեց. ՏԵՍԱՆՅՈՒԹ

ԱԺ արտահերթ նիստում քննարկվում է «Ազգային ժողովի կանոնակարգ» սահմանադրական օրենքում լրացում կատարելու մասին և «Կոռուպցիայի կանխարգելման հանձնաժողովի մասին» օրենքում փոփոխություն կատարելու մասին նախագծերի փաթեթը։

Նախագծով առաջարկվում է Կոռուպցիայի կանխարգելման հանձնաժողովի անդամի թափուր պաշտոնում թեկնածուի առաջադրման իրավունքով օժտել ոչ թե Ազգային ժողովի խմբակցություններին, այլ Ազգային ժողովը ներկայացնելու և նրա բնականոն գործունեությունն ապահովելու իրավասություն ունեցող անձին՝ Ազգային ժողովի նախագահին: Առաջարկի ընդունման պարագայում կապահովվի սույն գործընթացում թեկնածուի անխոչընդոտ առաջադրումը և մրցութային խորհրդի բնականոն գործունեությունը: Միաժամանակ, նախագծերի փաթեթով առաջարկվում է համապատասխան իրավասություն վերապահել Ազգային ժողովի նախագահին:

ԱԺ «Իմ քայլը» խմբակցության պատգամավոր, նախագծի հեղինակ Սուրեն Գրիգորյանը, անդրադառնալով առաջարկվող փոփոխություններին և ընդդիմադիր պատգամավորների հնչեցրած մտահոգություններին, Կռիլովի «Կարապը, գայլաձուկն ու խեցգետինը» առակը կարդաց․ «Անընդհատ իմ ուղեղում մի առակ է պտտվում, որը ոնց որ շատ ճշգրտորեն այս իրավիճակի համար գրված լինի և, ամենակարևորը, եզրափակվում է նրանով, որ արձանագրվում է ճշգրտորեն խնդիրը, որի լուծմանն ուղղված է նախագիծը։ Ես էլ ասացի, որ լավ օրից չենք բերել այս նախագիծը և լավ կլիներ՝ կոնսենսուսի գայինք»։

Մանրամասները՝ տեսանյութում։