Առաջարկում եմ թույլ տալ ամեն ուժին թեկնածուի հրաժարականի դեպքում ներկայացնել նոր թեկնածու․ Մարուքյան. ՏԵՍԱՆՅՈՒԹ

ԱԺ արտահերթ նիստում քննարկվում է «Ազգային ժողովի կանոնակարգ» սահմանադրական օրենքում լրացում կատարելու մասին և «Կոռուպցիայի կանխարգելման հանձնաժողովի մասին» օրենքում փոփոխություն կատարելու մասին նախագծերի փաթեթը։

Նախագծով առաջարկվում է Կոռուպցիայի կանխարգելման հանձնաժողովի անդամի թափուր պաշտոնում թեկնածուի առաջադրման իրավունքով օժտել ոչ թե Ազգային ժողովի խմբակցություններին, այլ Ազգային ժողովը ներկայացնելու և նրա բնականոն գործունեությունն ապահովելու իրավասություն ունեցող անձին՝ Ազգային ժողովի նախագահին: Առաջարկի ընդունման պարագայում կապահովվի սույն գործընթացում թեկնածուի անխոչընդոտ առաջադրումը և մրցութային խորհրդի բնականոն գործունեությունը: Միաժամանակ, նախագծերի փաթեթով առաջարկվում է համապատասխան իրավասություն վերապահել Ազգային ժողովի նախագահին:

«Լուսավոր Հայաստան» խմբակցության ղեկավար Էդմոն Մարուքյանը առաջարկվող լուծման փոխարեն իր տարբերակը ներկայացրեց։

«Երկար քննարկումներից հետո, երբ մրցութային հանձնաժողով ունենալու օրենքի ժամկետներն անցել էր, որոշվեց, որ ամեն խմբակցություն ներկայացնի իր ներկայացուցչին և խորհրդարանը ընտրի ու ձևավորվի հակակոռուպցիոն հանձնաժողովը։ Բայց օրենքի մեջ գրված է, որ դա մի անգամվա գրծընթաց է։ Արդեն քաղաքական մեծամասնությամբ ասվել է, որ հանձնաժողովն արդյունավետ չէ։ Հիմա ես առաջարկում եմ օրենքի մեջ փոփոխություն անել, վերացնել մրցութային հանձնաժողովը և թույլ տալ ամեն ուժին, որը ներկայացրել է թեկնածու, թեկնածուի հրաժարականի պարագայում ներկայացնել նոր թեկնածու։ Այսինքն՝ հիմա թափուր է տեղը «Իմ քայլը» դաշինքի թեկնածուի, պետք է ներկայացնի «Իմ քայլը» դաշինքը, վե՛րջ»,- նշեց պատգամավորը։

Մանրամասները՝ տեսանյութում։