«Անհարմար չե՞ք զգում ձեր բերած նախագծից», «Ոչ, չեմ զգում»․ Սամսոնյանի և Գրիգորյանի հարցուպատասխանը. ՏԵՍԱՆՅՈՒԹ

ԱԺ արտահերթ նիստում քննարկվում է «Ազգային ժողովի կանոնակարգ» սահմանադրական օրենքում լրացում կատարելու մասին և «Կոռուպցիայի կանխարգելման հանձնաժողովի մասին» օրենքում փոփոխություն կատարելու մասին նախագծերի փաթեթը։

Նախագծով առաջարկվում է Կոռուպցիայի կանխարգելման հանձնաժողովի անդամի թափուր պաշտոնում թեկնածուի առաջադրման իրավունքով օժտել ոչ թե Ազգային ժողովի խմբակցություններին, այլ Ազգային ժողովը ներկայացնելու և նրա բնականոն գործունեությունն ապահովելու իրավասություն ունեցող անձին՝ Ազգային ժողովի նախագահին: Առաջարկի ընդունման պարագայում կապահովվի սույն գործընթացում թեկնածուի անխոչընդոտ առաջադրումը և մրցութային խորհրդի բնականոն գործունեությունը:

Միաժամանակ, նախագծերի փաթեթով առաջարկվում է համապատասխան իրավասություն վերապահել Ազգային ժողովի նախագահին:

«Լուսավոր Հայաստան» խմբակցության պատգամավոր Անի Սամսոնյանը հարց ուղղեց նախագծի հեղինակ, «Իմ քայլը» խմբակցության պատգամավոր Սուրեն Գրիգորյանին․ «Երբ ընդդիմադիր քաղաքական ուժերին տրվում է որևէ լրացուցիչ լծակ՝ ինստիտուտներ ձևավորելու կամ հանրային կառավարման այլ օղակներում որոշում կայացնողի դերակատարումը վերցնելու համար, դուք որևէ հարթակ բաց չեք թողնում՝ խոսելու այն մասին, որ սա նոր իշխանություն է, համագործակցող է, մենք նոր պառլամենտական մշակույթ ենք բերում, և այս ամենը վերագրում եք որպես ձեռքբերում։ Այս բերված նախագիծը, պարզ է, որ հետընթաց է բոլոր այն բերված նախաձեռնություններից, որը մինչև հիմա արել եք։ Դուք անհարմար չե՞ք զգում, որ այս նախագիծը բերել եք և այսօր այստեղ քննարկում եք»։

Գրիգորյանը կարճ արձագանքեց․ «Ո՛չ, անհարմար չեմ զգում»։

Մանրամասները՝ տեսանյութում։