19.12.2025 | 23:07
Պետությունը շարունակելու է աշխատանքներ իրականացնել սոցբնակարանային ֆոնդի ընդլայնման ուղղությամբ. ԱՍՀ նախարար
Իլհամ Ալիևն ու այլ պաշտոնյաները չեն մասնակցել ադրբեջանցի գեներալի ու գնդապետի թաղմանը
Քաղաքականություն
15.07.2020 | 14:04
Այսօր Ադրբեջանում տեղի է ունեցել նախօրեին զոհված գեներալ-մայոր Փոլադ Հաշիմովի ու գնդապետ Իլգար Միրզոևի հուղարկավորությունը։ Տեղի լրատվամիջոցների հաղորդմամբ՝ նրանց հողին են հանձնել Բաքվի պատվավոր հուղարկավորությունների ծառուղում։
Նվագախումբը հնչեցրել է Ադրբեջանի օրհներգը, օդում կրակ է արձակվել։ Հուղարկավորության արարողությունն այսքանով ավարտվել է։
Նշենք, որ արարողությունից հրապարակված լուսանկարներից ու տեսանյութերից երևում է, որ Ադրբեջանի ռազմաքաղաքական բարձրաստիճան պաշտոնյաներից հուղարկավորությանը մասնակցել է միայն պաշտպանության նախարար Զաքիր Հասանովը։ Արարողությանը այլ պաշտոնյաներ, այդ թվում՝ նախագահ Իլհամ Ալիևը, չեն մասնակցել։ Ի դեպ, նախագահը զոհվածներին որևէ պետական պարգևի չի արժանացրել։
