Զարգացնելով հարաբերությունները հյուսիսի հետ, պետք է ստեղծել նոր շուկաներ դեպի հարավ. նախագահը հանդիպել է սննդի վերամշակման ոլորտի մի խումբ ընկերությունների ղեկավարների հետ

Լուրեր

17.11.2026 | 21:34
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
17.11.2026 | 20:09
Վիրավորանքի համար՝ նվազագույնը 1 մլն, զրպարտության համար՝ 2 մլն դրամ․ ԱՆ-ն առաջարկում է փոխհատուցման նոր շեմեր
17.11.2026 | 20:06
Գերմանիայի ԱԳ նախարարը Բաքվում է․ նրան ընդունել է Ալիևը
17.11.2026 | 19:52
Ազգային հերոսը՝ կոռուպցիայի համար դատապարտված․ ինչու Փիլոյանը չի զրկվել կոչումից. ՏԵՍԱՆՅՈՒԹ
17.11.2026 | 19:40
Կրպակները քանդեցին, բարեկարգումը հետաձգվեց․ Շինարարների փողոցի պատկերը՝ 1 ամիս անց. ՏԵՍԱՆՅՈՒԹ
17.11.2026 | 19:30
Հայաստանի բնակչությունը գերազանցել է 3,1 միլիոնը․ հիմնական աճը՝ Երևանում և հարակից մարզերում
17.11.2026 | 19:16
Փրկարարները մարել են հանդիսությունների սրահում բռնկված հրդեհը
17.11.2026 | 19:01
Որտեղի՞ց էր այն փողը, որը տալիս էր․ Վահագն Ալեքսանյանը՝ Արսեն Գևորգյանի մասին. ՏԵՍԱՆՅՈՒԹ
Բոլորը

Հայաստանի Հանրապետության նախագահի աշխատակազմիցտեղեկացնում են, որ ՀՀ նախագահ Արմեն Սարգսյանն այսօր ընդունել է սննդի վերամշակման ոլորտի մի խումբ ընկերությունների ղեկավարների: Հանդիպմանը մասնակցել են «Արարատ սննդի կոմբինատ» ՍՊԸ գլխավոր տնօրեն Երվանդ Թարվերդյանը, «Նաիրի ֆուդ» ՍՊԸ տնօրեն Թամարա Թադևոսյանը, «Եվրոթերմ» ՓԲԸ (Նոյան հյութեր) գլխավոր տնօրեն Վահե Ղազարյանը, «Արտֆուդ» ՍՊԸ գլխավոր տնօրեն Վաչագան Կարապետյանը, «ՍԻԼ» հանքային ջրերի գործարանի տնօրեն Վահագն Ալեքսանյանը, «Բիգա» ՍՊԸ տնօրեն Արթուր Տիգրանյանը:

Ընդգծելով, որ հատկապես համավարակային և հետհամավարակային շրջանում սննդի արտադրության ոլորտը կարևորագույն նշանակություն ունի երկրի համար, նախագահ Սարգսյանը մասնավորապես ասել է. «Ձեր ներկայացրած ոլորտը՝ գյուղատնտեսություն և մթերքի արտադրություն ու մատակարարում, միշտ եղել է կարևոր և էական, բայց այս օրերին դառնում է ավելի կարևոր»: Նշելով ոլորտի առանցքային նշանակությունը Հայաստանի համար՝ նախագահ Սարգսյանն անդրադարձել է հատկապես պարենային անվտանգության հարցին. «Խոսքը կենսաբանական, սանիտարական մաքրության մասին չէ, ինչը նույնպես շատ կարևոր է: Հայաստանի համար պարենի անվտանգությունը բոլորովին այլ գաղափար է: Տվյալ դեպքում խոսքը նախ և առաջ ընդհանրապես գյուղատնտեսության զարգացման մասին է, այսինքն՝ արդյունավետության մասին, թե ինչպես ենք օգտագործում մեր հողերը, որքանով է արդյունավետ կառավարում իրականացվում»:

Նախագահի խոսքով՝ պարենի անվտանգությունը ոչ միայն նշանակում է բավարար քանակությամբ և որակով որոշակի մթերքների արտադրություն, այլև ենթադրում է Հայաստանի Հանրապետության տարածքով որոշակի քանակությամբ մթերային ապրանքների առևտուր կամ տեղաշարժ: «Այսօրվա պայմաններում հնարավոր չէ այն մթերքները, որոնք մենք չենք արտադրում, հսկայական քանակությամբ պահեստավորել: Պետք է պահեստներ ունենալ: Որո՞նք են լուծումները: Իմ կարծիքով՝ լուծումները նախ և առաջ մեր հնարավորությունները, միջազգային կապերը տարածաշրջանի հետ ավելի մեծացնելն է: Սա հնարավորություն կտա մեր ունեցած ապրանքներն ավելի լայն շրջանակում արտահանել, և միաժամանակ, հնարավորություն ունենալ նաև ներկրել: Ռուսաստանը մեր ռազմավարական գործընկերն է, եվրասիական համագործակցության պետությունները մեր գործընկերներն են, այստեղ որևէ կասկած չկա: Հետևաբար, իմ տեսլականը հետևյալն է. զարգացնելով, կրկնապատկելով այն, ինչ կա դեպի հյուսիս, ստեղծել նաև նոր շուկաներ դեպի հարավ: Հարավը Պարսից ծոցն է, որտեղ կա պարենի անվտանգության խնդիր»: Նախագահ Սարգսյանը նշել է, որ ցանկացած երկիր պարենի անվտանգության խնդիր ունի:

«Աշխարհը փոխվում է, և լոգիստիկ խնդիրները դժվարանում են,-ասել է նա:- Համավարակի, աշխարհաքաղաքական փոփոխությունների պատճառով հին կապերից շատերը չեն աշխատելու, նորերը պետք է ստեղծվեն: Սա նոր իրավիճակ է, և Հայաստանը պետք է հնարավորություն ունենա մատակարարումներ իրականացնել մի քանի ուղղությամբ՝ արտահանման և ներկրման ծավալները կրկնապատկելով»:

Ոլորտի զարգացման համար Հանրապետության նախագահը հիմնարար է համարել գյուղատնտեսության արդյունավետության բարձրացումը: «Սա, իհարկե, բարդ խնդիր է և կապված է նոր տեխնոլոգիաների, նոու-հաուի, շուկայի, ինչպես նաև ժողովրդագրության հետ,– նշել է նախագահ Սարգսյանը:– Մի կողմից՝ թվում է, թե բավականին մեծ թվով գործազուրկ մարդիկ կան, իսկ մյուս կողմից՝ գյուղատնտեսության ոլորտում հողեր կան, որ անմշակ են: Հողի, ժողովրդագրության, գործազրկության, աշխատանքի կազմակերպման հետ կապված խնդիրների ամբողջ շղթայում կարևոր հատված կա՝ մթերային ապրանքների վերամշակումը և դրանց բաշխումը: Դուք այդ ոլորտում եք: Ձեր առջև բազմաթիվ խնդիրներ կան` կապված արտաքին և ներքին շուկայի հետ»:

Գործարարները խոսել են ոլորտի վրա համավարակի ազդեցության մասին, ինչպես նաև նշել մի շարք խնդիրներ պարենի անվտանգության և գյուղատնտեսության, գյուղատնտեսական հողերի արդյունավետ օգտագործման, պետության կողմից ոլորտին, ինչպես նաև գյուղացիական տնտեսություններին աջակցության, պետություն-մասնավոր հատված համագործակցության վերաբերյալ: Նրանք մասնավորապես ընդգծել են, որ Հայաստանում ոլորտը զարգացման մեծ ներուժ ունի և անհրաժեշտ ուշադրության դեպքում հնարավոր կլինի ոչ միայն մեծացնել արտադրության ծավալները, այլ նոր հնարավորություններ ստեղծել բազմաթիվ գյուղացիական տնտեսությունների համար:

Հանրապետության նախագահը կարևոր է համարել խնդիրների բարձրացումը և զարգացմանն ուղղված առաջարկների ներկայացումը հենց ոլորտում ներգրավված անձանց կողմից՝ պատրաստակամություն հայտնելով հնարավորինս աջակցություն ցուցաբերել: Նա կարևորել է նոր պլատֆորմների ստեղծումը, որոնք պետք է ուղղված լինեն փոքր ձեռնարկություններին օգնելուն, նոր շուկա ստեղծելուն և Հայաստանն առևտրային խաչմերուկ դարձնելուն: