11.06.2026 | 17:11
ԱՄՀ գործադիր տնօրենը շնորհավորել է վարչապետ Փաշինյանին՝ ընտրություններում հաղթանակի առթիվ
Քոչարյանի պաշտպանները միջնորդեցին դատարան հրավիրել Գագիկ Հարությունյանին և մի շարք դատավորների. ՏԵՍԱՆՅՈՒԹ
Հասարակություն
14.07.2020 | 18:38
Ռոբերտ Քոչարյանի փաստաբանն այսօրվա դատական նիստին միջնորդեց լրացնել դատակոչի ցուցակը։
Փաստաբան Հայկ Ալումյանն առաջարկեց ցուցակի մեջ ներառել հիմա արդեն ՍԴ նախկին նախագահ Գագիկ Հարությունյանին և ՍԴ մի շարք դատավորների՝ Հրանտ Նազարյանին, Վլադիմիր Հովհաննիսյանին, Ֆելիքս Թոխյանին և Կիմ Բալայանին, որոնք քննել են նախագահի թեկնածուներ Տիգրան Կարապետյանի ու Լևոն Տեր-Պետրոսյանի բողոքները:
Փաստաբանի խոսքով՝ նրանք կարող են գործի համար կարևոր տեղեկություններ հայտնել, մասնավորապես՝ Ռոբերտ Քոչարյանին ներկայացված մեղադրանքի շրջանակում ՍԴ-ի վրա ենթադրվող ճնշման վերաբերյալ:
Փաստաբանը նաև միջնորդեց դատարան հրավիրել Սամվել Մայրապետյանին, որը կարող է կարևոր տեղեկություններ հայտնել մեղադրանքի մյուս մասով: Պաշտպանության նախկին նախարար Միքայել Հարությունյանի հրավերը, որը ստորագրել է մեղադրանքի համար կարևոր 0038 հրամանը: Մեկնաբանելով այն հարցը, որ թվարկվածներից ոմանք անցնում են այլ կարգավիճակով, փաստաբանը նշեց, որ նրանց կարող են հարցաքննել ցանկացած կարգավիճակով, այդ թվում՝ այն, որով անցնում են:
Մանրամասները՝ տեսանյութում:
