18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Հայաստանում Ուկրաինայի դեսպանը հրավիրվել է ՀՀ ԱԳՆ
Քաղաքականություն
14.07.2020 | 15:14
ՀՀ ԱԳՆ-ից տեղեկացնում են, որ հուլիսի 14-ին ՀՀ ԱԳՆ հրավիրվել է Հայաստանում Ուկրաինայի դեսպան Իվան Կուլեբան, որին ընդունել է ԱԳ նախարարի տեղակալ Շավարշ Քոչարյանը։
«Շավարշ Քոչարյանը դեսպանին ներկայացրեց ՀՀ ԱԳՆ գնահատականն հայ-ադրբեջանական սահմանային լարվածության վերաբերյալ Ուկրաինայի ԱԳՆ հայտարարության առնչությամբ։
Հանդիպման ընթացքում ԱԳ նախարարի տեղակալը դեսպանին փոխանցեց նաև տեղեկատվություն հայ-ադրբեջանական սահմանի հյուսիս-արևելյան ուղղությամբ հուլիսի 12-ից սկսված ադրբեջանական զինված ուժերի կողմից հրադադարի խախտումների, քաղաքացիական ենթակառուցվածքների ու խաղաղ բնակչության շարունակական թիրախավորման, ինչպես նաև Ադրբեջանի ագրեսիվ գործողությունների արդյունքում ստեղծված իրավիճակի մասին»:
Նշենք, որ Ուկրաինայի ԱԳ նախարարությունն ավելի վաղ անդրադառնալով հայ-ադրբեջանական սահմանին տիրող լարված իրավիճակին՝ հակամարտության կողմերին կոչ էր արել առավելագույն ջանքեր գործադրել իրադրության դեէսկալացիայի և հակամարտությունը խաղաղ ճանապարհով լուծելու ուղիներ գտնելու համար։
Պաշտոնական Կիևը նաև հայտարարել էր, որ ուկրաինական կողմը պաշտպանում է իրավիճակի քաղաքական կարգավորումը՝ Ադրբեջանի Հանրապետության ինքնիշխանության եւ տարածքային ամբողջականության պահպանման հիման վրա՝ իր միջազգայնորեն ճանաչված սահմաններով:
