29.04.2026 | 13:39
Ուկրաինական ԱԹՍ-ները հարձակվել են Պերմի և Օրենբուրգի մարզերի վրա. հաղորդվում է նավթավերամշակման գործարաններում հրդեհների մասին
Ադրբեջանի ՊՆ-ն հաստատել է 11 զոհի մասին տեղեկությունը․ մեծ մասը բարձրաստիճան սպաներ են
Քաղաքականություն
14.07.2020 | 15:07
Ադրբեջանի ՊՆ-ն պաշտոնապես հայտնել է հուլիսի 12-14-ին ադրբեջանցի 11 զինծառայողի մահվան մասին, նրանց մեծ մասը բարձրաստիճան սպաներ են։ «Ինտերֆաքս»-ի ադրբեջանական ծառայությանն այս մասին հայտնել է ՊՆ խոսնակ Վագիֆ Դյարգահլին։
«Հուլիսի 12-13-ին մարտերի ընթացքում 4 զինծառայող և սպա է զոհվել, այսօր՝ ևս 7-ը»,- ասել է Ադրբեջանի ՊՆ խոսնակը՝ հավելելով, որ նաև վիրավորներ կան։
Նշենք, որ այսօր սպանվել են ադրբեջանական բանակի գեներալ-մայոր Փոլադ Հաշիմովը և գնդապետ Իլգար Միրզոևը։
Մարտական գործողությունների ժամանակ զոհվել են նաև մայորներ Նամիգ Ահմադովը, Անար Նովրուզովը, լեյտենանտ Ռեշադ Մահմուդովը, ենթասպաներ Յաշար Բաբաևը, Իլգար Զեյնալլին, պայմանագրայիններ Էլչին Մուսթաֆազադեն, Վուգար Սադիգովը, Էլշադ Մամեդովը, Խայամ Դաշդեմիրովը։
