01.07.2026 | 19:43
Հայաստանի 10 լավագույն շախմատիստները և շախմատիստուհիները՝ հուլիսի 1-ի դրությամբ
Կրեմլում մտահոգված են հայ-ադրբեջանական սահմանին տիրող իրադրության կապակցությամբ
Քաղաքականություն
14.07.2020 | 14:35
Կրեմլում լրջորեն մտահոգված են Հայաստանի և Ադրբեջանի սահմանին տիրող իրադրության կապակցությամբ և կողմերին զսպվածության ու հրադադարի կոչ են անում։ Այս մասին հայտարարել է ՌԴ նախագահի խոսնակ Դմիտրի Պեսկովը, գրում է ՌԻԱ Նովոստին։
«Մենք խորապես մտահոգված ենք հայ-ադրբեջանական սահմանին փոխհրաձգությունների կապակցությամբ։ Կողմերին կոչ ենք անում զսպվածություն ցուցաբերել և հետևել հրադադարի ռեժիմի շրջանակում իրենց պարտավորություններին»,- ասել է Պեսկովը՝ ներկայացնելով Կրեմլի գնահատականը։
Նա նաև վերահաստատել է միջնորդական առաքելություն իրականացնելու՝ Ռուսաստանի պատրաստակամությունը։
«Ռուսաստանը, մենք այդ մասին արդեն հայտարարել ենք տարբեր մակարդակներով, լինելով Մինսկի խմբի անդամ՝ պատրաստ է միջնորդական ջանքեր գործադրել կարգավորման համար։ Գիտեք, որ ակտիվ հեռախոսային շփումներ են եղել ԱԳ նախարար Սերգեյ Լավրովի և Բաքվից ու Երևանից նրա գործընկերների միջև։ Եվս մեկ անգամ երկու կողմին էլ զսպվածության կոչ ենք անում»,- հավելել է Կրեմլի խոսնակը։
