02.11.2024 | 19:00
Ժողովրդին տալիս են հաց և հանդես ու քանդում են Երևանը, ուղեղները թամաշաներից մթագնել է. Տեր-Գաբրիելյան. ՏԵՍԱՆՅՈՒԹ
Ի՞նչ տեսք են ունենալու մեր երկրում պոչամբարները․ ի՞նչ է լինելու «պուստոյների» ճակատագիրը․ պատգամավոր. ՏԵՍԱՆՅՈՒԹ
Տնտեսություն
14.07.2020 | 13:05
ԱԺ տնտեսական հարցերի մշտական հանձնաժողովում քննարկվում է Հայաստանի Հանրապետության ընդերքի մասին օրենսգրքում փոփոխություններ և լրացումներ կատարելու մասին և կից ներկայացված օրինագծերի փաթեթը։
Նախագծերի փաթեթով առաջարկվում է արդյունահանման թույլտվություն չտրամադրել այն դեպքում, եթե տվյալ տեղամասի հանքավայրի պաշարներն ուսումնասիրված և հաստատված չեն մետաղականի համար՝ վերջին 5 տարվա ընթացքում, իսկ ոչ մետաղականի համար՝ վերջին 10 տարվա ընթացքում։
Առաջարկվում է նաև հանքավայրերը տրամադրել ամբողջ պաշարով․ դրանք չեն տրոհվելու տարբեր տնտեսավարողների միջև: Նախագծով նախատեսվում են նաև մի շարք այլ փոփոխություններ։
«Լուսավոր Հայաստան» խմբակցության պատգամավոր Գուրգեն Բաղդասարյանը հարց ուղղեց տարածքային կառավարման և ենթակառուցվածքների նախարարի տեղակալ Լիլիա Շուշանյանին․ «Ինձ հետաքրքիր է՝ մենք հիմա հին մեթոդաբանությունից հրաժարվո՞ւմ ենք՝ վերընթաց պոչամբարներից, մեր հետագա անելիքը ո՞րն է լինելու, մեր երկրում պոչամբարները ի՞նչ տեսք են ունենալու և էդ «պուստոյի» մասով՝ չոր հանքաքարերի, դրանց ճակատագիրն ի՞նչ է լինելու»։
«Դուք երկու տարբեր բաների մասին եք խոսում․ մեկը՝ դատարկ ապարներ կոչվածը, մյուսը հենց պոչերը, որ առաջանում են վերամշակման արդյունքում։ Դատարկ ապարները, իհարկե, կուտակվում են, հետո անգամ ռեկուլտիվացիայի համար, բաց հանքերի լիցքերի համար օգտագործվում են և այլն։ Որոշակի ժամկետում դա անգամ տնտեսվարողին պետք է՝ կուտակելու և ռեկուլտիվացիայի համար օգտագործելու նպատակով։ Ինչ վերաբերում է չոր պոչերին, ապա դրանք էկոլոգիապես շատ ավելի ընդունելի տարբերակ են աշխարհում և նաև տնտեսվարողին ձեռնտու»,- մասնավորապես նշեց Շուշանյանը։
Մանրամասները՝ տեսանյութում։
