18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Անջեյ Դուդան հաղթել է Լեհաստանի նախագահի ընտրությունների երկրորդ փուլում
Քաղաքականություն
13.07.2020 | 13:03
Լեհաստանում կիրակի անցկացված նախագահական ընտրությունների երկրորդ փուլում հաղթել է գործող նախագահ Անջեյ Դուդան՝ հավաքելով 51.21% ձայն։ Այս մասին հաղորդում է «Լեհական ռադիո»-ն՝ վկայակոչելով Պետական ընտրական հանձնաժողովը (ՊԸՀ)։
Հանձնաժողովի նախագահ Սիլվեստր Մացինյակի խոսքով՝ ընտրությունների երկրորդ փուլին մասնակցությունը կազմել է 68.12%: Արդեն հաշվարկվել է քվեաթերթիկների 99.97%-ը։
«Անջեյ Դուդան հավաքել է 10 մլն 413 հազար 94 ձայն կամ 51.21%։ Ռաֆալ Տշասկովսկին հավաքել է 9 մլն 921 հազար 219 ձայն կամ 48․79%»,- հայտնել է ՊԸԿ ղեկավարը։
Նա նաև հավելել է, որ արտերկրի տեղամասերից սպասվող քվեաթերթիկները, որոնք դեռ չեն հաշվարկվել, էական ազդեցություն չեն ունենա այս արդյունքների վրա։
Նշենք, որ հունիսի 28-ին տեղի ունեցած ընտրությունների առաջին փուլում Դուդան ստացել էր 43․5% ձայն, Տշասկովսկին՝ 30․46%։
Անջեյ Դուդան Լեհաստանի նախագահի պաշտոնը զբաղեցնում է 2015 թվականի օգոստոսից։
