12.10.2026 | 23:18
Գազամատակարարման դադարեցումներ՝ Հայաստանի մի շարք հասցեներում
Բուլղարիայում կառավարության հրաժարականն են պահանջում
Քաղաքականություն
13.07.2020 | 13:22
Հակակառավարական բողոքի ակցիաները Բուլղարիայում շարունակվում են։ Կիրակի հազարավոր մարդիկ դուրս են եկել մայրաքաղաք Սոֆիայի, ինչպես նաև այլ խոշոր քաղաքների՝ Բուրգասի, Վառնայի, Պլովդիվի փողոցներ։ Այս մասին գրում է DW-ի ռուսական ծառայությունը։
Ցուցարարները վանկարկել են «Մաֆիա» և «Հրաժարական»։
Միաժամանակ, խորհրդարանական ընդդիմության մաս կազմող սոցիալիստները վարչապետ Բոյկո Բորիսովին անվստահություն հայտնելու շուրջ քվեարկություն են նախաձեռնել։ Սպասվում է, որ այն տեղի կունենա հուլիսի 15-ին։ Բուլղարական սոցիալիստական կուսակցության առաջնորդ Կորնելիա Նինովան Բորիսովին և նրա կուսակցությանը մեղադրել է «մաֆիոզ-օլիգարխիկ» ոճով կառավարման համար։
Ցույցերը Բուլղարիայում սկսվել են հուլիսի 9-ին, նախագահի աշխատակազմում խուզարկություններից հետո, որոնք պայմանավորված էին կոռուպցիայի և պետական գաղտնիքի հրապարակման՝ միմյանց հետ կապ չունեցող գործերի հետաքննությամբ։ Նախագահ Ռումեն Ռադևը խուզարկությունների համար պատասխանատու է համարել վարչապետին՝ նախարարներին հրաժարականի կոչ անելով և կառավարությանը համեմատելով մաֆիայի հետ։
Բոյկո Բորիսովն իր հերթին հայտարարել է, որ բաց է երկխոսության համար և հարգում է յուրաքանչյուր քաղաքացու բողոքի իրավունքը։ Նա ցուցարարներին կոչ է արել զգույշ լինել և թույլ չտալ, որ «խաղաղ ցույցի ընթացքում մի կաթիլ անգամ արյուն թափվի»՝ հավելելով, որ ատելության հռետորաբանությունը «ոչ մի լավ բանի չի բերի»։
