29.04.2026 | 18:26
Լոնդոնում դանակահարության հետևանքով վիրավորվել են հրեական համայնքի երկու անդամներ
Սան Ֆրանցիսկոյի դատարանը դատապարտել է ռուս հաքերին
Քաղաքականություն
12.07.2020 | 15:51
Սան Ֆրանցիսկոյի դատարաններից մեկը դատապարտել է Ռուսաստանի քաղաքացի Եվգենի Նիկուլինին, որը, ըստ մեղադրանքների, ութ տարի առաջ հաքերային հարձակումներ և կիբերհափշտակումներ է իրականացրել` թիրախի տակ առնելով ամերիրիկյան սոցիալական լրատվամիջոցները, այդ թվում LinkedIn-ը և Dropbox-ը: Ուրբաթ օրը դատարանը հայտնել է, որ դատավճիռը կհրապարակվի սեպտեմբերի 29-ին:
32-ամյա Նիկուլինին սպառնում է տասը տարի բանտարկության պատիժ՝ հափշտակված գաղտնագրերի, ինչպես նաև համակարգիչներ վիրուսներ ուղարկելու համար:
Նշվում է, որ Նիկուլինը 2012 թվականին սոցիալական ցանցերում տասնյակ միլիոնավոր օգտատատերերի գաղտնագրեր է բացահայտել ու մտել նրանց հաշվեհամարներ: Տվյալների մի մասը վաճառքի է հանվել ռուսական հաքերային մի ֆորումի ժամանակ:
Նիկուլինը, որի մտավոր առողջությունը ստուգելու համար դատարանն անցկացրել էր հոգեբանական ստուգումներ, չի ընդունում իր դեմ հարուցված մեղադրանքները: Նրա դատապաշտպանը հայտարարում է, որ բողոքարկելու են, իր խոսքերով ասած, «հսկայական անարդարության» մասին այս վճիռը:
Նիկուլինին ձերբակալել էին Չեխիայի Հանրապետությունում 2016 թվականին և արտաքսել ԱՄՆ դրանից տասնյոթ ամիս անց: Այդ քայլը զայրացրել էր Մոսկվային, որը խնդրել էր Չեխիայի իշխանություններին իրեն հանձնել Նիկուլինին, ակնարկելով, որ այստեղ նրան կասկածում են 2009 թվականին 2000 դոլար առցանց հափշտակելու համար:
Նիկուլինի դատավարությունը Կալիֆորնիայում սկսվել էր մարտի սկզբին, սակայն ընդհատվել էր կորոնավիրուսի համաճարակի պատճառով, երբ բանտային դատավարությունները գրեթե լիովին հետաձգվեցին ամբողջ ԱՄՆ-ի տարածքում:
