25.11.2024 | 12:26
2024 թվականի 3-րդ եռամսյակում Հայաստանում ՀՆԱ-ն աճել է 5․2%-ով
Կապույտ վառելիքը կհասնի Մեղրիի չգազաֆիկացված թաղամասեր. ՀՏԶՀ
Տնտեսություն
10.07.2020 | 20:22
ՏԿԵ նախարարության՝ Հայաստանի տարածքային զարգացման հիմնադրամը Սյունիքի մարզում այսօր մեկնարկում է երեք խոշոր բնակավայրի մի շարք թաղամասերի գազաֆիկացման լայնածավալ ծրագիր:
ՀՏԶՀ-ի մամուլի ծառայությունը հայտնում է, որ ՀՀ Կառավարության հատկացրած միջոցներով նախատեսվում է կապույտ վառելիքը հասցնել Մեղրի միավորված համայնքի, ինչպես նաև Լեհվազ և Ագարակ բնակավայրերի այն հատվածներ, որոնք գազաֆիկացված չեն:
Մեղրի քաղաքում Կառավարության ներդրումը կազմում է շուրջ 72.5 միլիոն դրամ, Լեհվազ բնակավայրում՝ շուրջ 56 միլիոն դրամ և Ագարակ բնակավայրում՝ 128.9 միլիոն դրամ: Ընդհանուր ներդրումը կազմում է շուրջ 260 միլիոն դրամ:
Այսպիսով՝ ծրագրի հաջող ավարտից հետո բնական գազով կապահովվի շուրջ 500 տնտեսություն, ևս 1500 տնտեսության համար էլ գազաֆիկացման գործընթացն ավելի կհեշտանա: Ծրագիրը կավարտվի 2021 թվականին:
