Հասարակություն
10.07.2020 | 13:20Առցանց առևտրից օգտվողների թվի մեծացման հետ ավելանում է նաև կիբերհանցագործությունների թիվը։ Այսօր ասուլիսի ժամանակ ՀՀ քննչական կոմիտեի հատկապես կարևոր գործերի քննության գլխավոր վարչության կիբերհանցագործությունների և բարձր տեխնոլոգիաների ոլորտում կատարված հանցագործությունների քննության վարչություն ՀԿԳ ավագ քննիչ Սասուն Գրիգորյանը ներկայացրեց կիբերհանցագործություններից զերծ մնալու տարբերակները։
«Առցանց առևտուր կատարելիս անհրաժեշտ է, որպեսզի քաղաքացիներն իմանան՝ ինչ կայքից են գնումներ կատարում, համոզված լինեն դրա իսկության մեջ, տեսնեն՝ ինչպիսի վճարային համակարգով է աշխատում։ Այստեղ ոչ թե կարևոր է բանկին կցելու պրոցեսը, քանի որ բանկը երրորդ անձանց կատարած հանցագործությունների համար դժվար թե պատասխանատվություն կրի, այլ կարևոր է հասկանալ՝ որտեղ և ինչ պայմաններով է օգտագործվում բանկային քարտը»,- նշեց Գրիգորյանը։
Վերջինս խորհուրդ տվեց քաղաքացիներին չվստահել այնպիսի անձանց, ում չեն ճանաչում, վերջիններիս չփոխանցել անձնական տվյալները, պարբերաբար թարմացնել անձնական հաշիվների գաղտնաբառերը և այլն։
Մանրամասները՝ տեսանյութում։
