25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
Հրայր Թովմասյանը հնար ունենար՝ իմ հարցազրույցի ժամանակ լույսը կանջատեր. Ալեն Սիմոնյան. ՏԵՍԱՆՅՈՒԹ
Քաղաքականություն
09.07.2020 | 13:33
ԱԺ փոխնախագահ Ալեն Սիմոնյանն այսօր ԱԺ-ում Factor.am-ի խնդրանքով ճեպազրույցում անդրադարձավ ՄԻԵԴ-ի երեկ կայացրած որոշմանը, ըստ որի՝ մերժվել է ՍԴ նախկին նախագահ Հրայր Թովմասյանի և ՍԴ նախկին երեք դատավորների պահանջը՝ հայցի ապահովման միջանկյալ միջոց կիրառելու և սահմանադրական փոփոխությունների գործընթացը սառեցնելու մասին։
«Դե, բացի մեզանից, բոլորը նման ակնկալիք ունեին, մենք նման ակնկալիք չունեինք, որ նման միջոց կկիրառվի։ Ակնկալիք էլ չունեինք, որ այս որոշման հետ կապված որևիցե միջազգային կառույց հակառակ դիրքորոշում կցուցաբերի: Դա պարոն Թովմասյանի և նրան մերձավոր տարբեր լրատվամիջոցների և գործիչների ցանկությունն է, այդ փոթորիկը մի բաժակ ջրում ստեղծելը, բայց արդեն որերորդ անգամն է, երբ իրենք գնում են դրսից մեզ վրա «տղա բերելու» տրամաբանությամբ, լինի դա Բրյուսելից, թե Մոսկվայից։ Բայց, կարծես թե, չի ստացվում, չի էլ ստացվելու»,- ասաց Սիմոնյանը։
Ճշտող հարցին՝ Հրայր Թովմասյանն այդ ճանապարհով է գնո՞ւմ, Սիմոնյանն արձագանքեց. «Ես կարծում եմ՝ եթե Հրայր Թովմասյանը հնարավորություն ունենար, իմ հարցազրույցի ժամանակ այստեղ լույսը անջատելու, որպեսզի ես հարցազրույց չտամ, ինքը դա կաներ, որովհետև ինքը դրա փորձը ունի։ Ես կոնկրետ բանի հետ կապված եմ ասում, չեմ ուզում ավելի մանրանալ, բայց վստահ եմ, որ ինքը ամեն ինչ կանի, որ կառչած մնա աթոռից»:
Մանրամասները՝ տեսանյութում:
Մերի Մարտիրոսյան
