19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
«Ես տարաձայնություն ունեմ ձեր առաջարկի հետ». Արսեն Թորոսյանը՝ փոխվարչապետին. ՏԵՍԱՆՅՈՒԹ
Քաղաքականություն
09.07.2020 | 12:19
Կառավարությունն այսօր որոշում կայացրեց Ազգային ժողով ուղարկել նախագիծ, որով արտակարգ դրության ժամանակ բնակչության բժշկական օգնություն տրամադրող բուժհիմնարկների կառավարումն անցնում է Առողջապահության նախարարությանը:
Որոշումը բացառություն է նախատեսում միայն ՊՆ զինվորական հոսպիտալների համար: «Արտակարգ դրության ժամանակ բնակչության բժշկական օգնությունն ու սպասարկումը կազմակերպվում է առողջապահության բնագավառի կառավարման լիազոր մարմնի ղեկավարների հրամանների համաձայն, որոնք չկատարելն առաջացնում է օրենքով նախատեսված պատասխանատվություն»,- ասաց ՀՀ առողջապահության նախարար Արսեն Թորոսյանը և մանրամասնեց.
«Արտակարգ դրության ժամանակ բժշկական կազմակերպություններում ներգրավված բուժանձնակազմի կողմից բնակչության բժշկական օգնությունն ու սպասարկումն իրականացնելուց, ինչպես նաև բնակչության «Բժշկական օգնության և սպասարկման մասին» օրենքի չորրորդ հոդվածի երկրորդ մասի համապատասխան՝ բնակչության բժշկական օգնությունն ու սպասարկումն իրականացնելու նպատակով համապատասխան մասնագիտացում, որակավորում չունեցող, վերապատրաստում չանցած բուժաշխատողների կամ ավարտական կուրսերի կլինիկական օրդինատորների կողմից համապատասխան վերապատրաստում անցնելը կամ բժշկական օգնության և սպասարկման գործընթացին ներգրավելը դարձել է պարտադիր առողջապահության նախարարի հրամանի համաձայն»:
Ավելացրեց, որ այս կարգավորումներից խուսափելն առաջացնում է վարչական պատասխանատվություն:
Մանարամասները՝ տեսանյութում:
