27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
Սուրբ Սոֆիայի տաճարը կրկին ցանկանում են դարձնել մզկիթ․ Ռուստամ Բաքոյանը մտահոգություն հայտնեց. ՏԵՍԱՆՅՈՒԹ
Հասարակություն
09.07.2020 | 11:35
Վերջերս Թուրքիայի նախագահ Ռեջեփ Թայիփ Էրդողանը մտադրություն հայտնեց Սուրբ Սոֆիայի տաճարը վերածել նորից մզկիթի, ինչը մտահոգությունների առիթ է դարձավ ոչ միայն քրիստոնյա աշխարհում, այլ նաև համաշխարհային քաղաքակրթության հուշարձաններով մտահոգված մարդկանց շրջանում։ Այս մասին այսօր Ազգային ժողովի արտահերթ նիստին տեղեկացրեց «Իմ քայլը» խմբակցության պատգամավոր Ռուստամ Բաքոյանը։
«Ստամբուլի Սուրբ Սոֆիայի տաճարը ոչ միայն մշակութային կոթող է և ՅՈՒՆԵՍԿՕ-ի համաշխարհային ժառանգության օբյեկտ, այլ նաև վարդագույն հանգույց՝ ստեղծված աշխարհի զարգացումը կանխորոշող տարբեր պատմական իրադարձություններից, տարբեր կրոններից, ժողովուրդների և երկրների ճարտարապետություններից։ Հարկ է հիշեցնել, որ Սուրբ Սոֆիայի ճարտարապետության մեջ իր մեծ ներդրումն է ունեցել նաև հայ ազգը՝ շնորհիվ Տրդատ ճարտարապետի, ում վերակառուցած գմբեթն այսօր զարդարում է քրիստոնյա աշխարհի այս հսկա մշակութային կոթողի գլուխը։ Հայաստանի հունական համայնքն իր անհանգստությունն է հայտնում ճարտարապետական այս հուշարձանի շուրջ տեղի ունեցող պրոցեսներով և հույս է հայտնում, որ Հայաստանի իշխանությունները ևս այս հարցում հետևողական կլինեն և արտաքին քաղաքականության մեջ ուշադրություն կդարձնեն, որպեսզի Սուրբ Սոֆիայի տաճարը հանկարծ չվերածվի մզկիթի»,- մասնավորապես նշեց պատգամավորը։
Մանրամասները՝ տեսանյութում։
