16.09.2026 | 10:23
Դատախազությունը պահանջում է Ոսկեվանի նախկին մանկապարտեզի շենքը վերադարձնել համայնքին
«Սասնա Ծռեր» խմբավորման հայտարարությունը՝ ՀՀ-ԵՄ համաձայնագրի ստորագրման վերաբերյալ
27.11.2017 | 16:41
«Սասնա Ծռեր» խմբավորումը հայտարարություն է տարածել ՀՀ-ԵՄ համաձայնագրի ստորագրման վերաբերյալ.
«Որպես Ասիայում ապրող եվրոպացիներ, ողջունում ենք Հայաստանը հարազատ քաղաքակրթական տիրույթ տանելուն նպաստող ՀՀ-ԵՄ համաձայնագրի ստորագրումը։
Անշուշտ, ցավալի և ամոթալի է, որ այն Հայաստանի անունից կնքում է ժողովրդի իշխանությունը յուրացրած, կոռումպացված ու ոճրագործ գաղութային վարչակազմը, որն Ապրիլյան քառօրյայից հետո և «Սասնա Ծռերի» ապստամբության առթիվ բացահայտեց նաև իր դավաճանական բնույթն ու էությունը։
Այդուհանդերձ, ԵՄ հետ մերձեցման գործընթացի տերը մեր ժողովուրդն է, ՀՀ քաղաքացին, վաղվա օրվա մտահոգությամբ և լուսավոր ապագայի հույսով ու հավատով ապրող հայ մարդը։
Սակայն գաղութային վարչակազմի օրոք Համաձայնագիրն ըստ էության կյանքի չի կարող կոչվել։
Միայն այն բանից հետո, երբ մեր ժողովուրդը ոտքի կկանգնի, ուղիղ ժողովրդավարության ամենաակտիվ ձևով՝ ապստամբությամբ, կձերբազատվի գաղութային վարչակազմից ու ռուսական գաղութատիրությունից, հնարավոր կլինի իրականություն դարձնել Համաձայնագիրը։ Ավելին՝ այդ ժամանակ հարկ կլինի ԵՄ հետ հաստատել ավելի խորը և ամբողջական հարաբերություններ»։
Վարուժան Ավետիսյան՝ «Սասնա Ծռեր» խմբավորման խոսնակ
26 նոյեմբերի 2017թ., «Արմավիր» ՔԿՀ
