19.09.2026 | 13:33
ԱԺ պատվիրակությունը սեպտեմբերի 27-ից հոկտեմբերի 2-ը կմեկնի Ստրասբուրգ
Ժամանակավոր անաշխատունակության և խնամքի նպաստ ստացողների շրջանակը կընդլայնվի
Քաղաքականություն
08.07.2020 | 17:25
ՀՀ Ազգային ժողովն առաջին ընթերցմամբ ընդունեց «Պետական նպաստների մասին» Հայաստանի Հանրապետության օրենքում փոփոխություններ կատարելու մասին և «Ժամանակավոր անաշխատունակության և մայրության նպաստների մասին» Հայաստանի Հանրապետության օրենքում փոփոխություններ և լրացումներ կատարելու մասին օրենքների նախագծերի փաթեթը:
Կառավարության ներկայացրած նախագծերի փաթեթն ընդունվեց միաձայն՝ 86 կողմ ձայնով: ՀՀ աշխատանքի և սոցիալական հարցերի նախարարի տեղակալ Սմբատ Սաիյանը, ներկայացնելով նախագիծը, նշեց, որ գործող կարգավորումներով՝ միկրոձեռնարկատիրության սուբյեկտ համարվող գործատուի վարձու աշխատողը չունի ժամանակավոր անաշխատունակության և խնամքի նպաստի իրավունք:
Այսպիսով՝ առաջարկվում է վերանայել այս կարգավորումը, որով միկրոձեռնարկատիրության սուբյեկտը չաշխատող անձի կարգավիճակից անցում կկատարի դեպի աշխատող անձի կարգավիճակ:
Նախագծով առաջարկվում է միկրոձեռնարկության սուբյեկտի վարձու աշխատողներին հնարավորություն տալ ստանալ մինչև 2 տարեկան երեխայի խնամքի նպաստ, ինչպես նաև նա կարող է հավակնել ժամանակավոր անաշխատունակության նպաստի, եթե այդ ընթացքում հիվանդացել է։ Նրա մայրության նպաստը ևս կնշանակվի և կհաշվարկվի գործատուի կողմից։
