20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Գյուղում նստած ու կորոնավիրուսից անտեղյակ Ադրբեջանի գլխավոր համաճարակաբանը սկանդալից հետո հրաժարական է տվել
Քաղաքականություն
08.07.2020 | 16:36
Ադրբեջանի գլխավոր համաճարակաբան Իբադուլա Աղաևը հրաժարական է տվել։ Նա նախորդ շաբաթ սկանդալի կենտրում էր հայտնվել, երբ լրագրողների հետ զրույցում ասել էր, որ «Գնացել է գյուղ ու չի հետևում երկրում կորոնավիրուսի տարածման ընթացքին»։
«Ես Բաքվում չեմ, շրջանում եմ։ Ոչինչ չգիտեմ, գյուղում եմ նստած, ո՛չ ինտերնետ ունեմ, ո՛չ հեռուստացույց»,- ասել էր Աղաևը։ Լրագրողի դիտարկմանը, որ նա գլխավոր համաճարակաբանն է, իսկ երկրում Covid-19 համավարակն է տարածվում, ամեն օր մարդիկ են մահանում, Աղաևը պատասխանել էր, որ ինքը նույնպես մարդ է, շրջանում հարազատներ ունի, և որ տեղեկությունների համար կարող են զանգահարել առողջապահության նախարարություն։
Այսօր արդեն Ադրբեջանի գլխավոր համաճարակաբանը հայտնել է, որ հրաժարականի դիմում է ներկայացրել։
«1976թ-ից աշխատում եմ Ադրբեջանի բժշկական համալսարանում: 1992 թվականից բաժնի վարիչ եմ, պրոֆեսոր, ինչպես նաև վաստակավոր ուսուցիչ, գիտության վաստակավոր աշխատող: 1991-ին կամավոր հիմունքներով աշխատել եմ որպես գլխավոր համաճարակաբան: Նման աշխատանքի համար աշխատավարձ չեն տալիս: Ինձ ոչ ոք, ոչինչ չի ասել, ես ինքս եմ հրաժարականի դիմում գրել»,- ասել է Աղաևը։
Էմմա Չոբանյան
