19.05.2026 | 17:35
ԱՀԿ-ն մտահոգված է Կոնգոյում Էբոլայի տարածման «մասշտաբով և արագությամբ». 131 մահվան դեպք է գրանցվել
Դուռ շրխկացնելով ու գնալով չի. Նաիրա Զոհրաբյանը՝ ԵՏՄ-ից դուրս գալու մասին
Քաղաքականություն
27.11.2017 | 15:16
ԱԺ «Ծառուկյան» խմբակցության պատգամավոր, ԱԺ եվրոպական ինտեգրացիայի մշտական հանձնաժողովի նախագահ Նաիրա Զոհրաբյանը «Ելք» խմբակցության հեղինակած «ՀՀ մասով Եվրասիական տնտեսական միության պայմանագրի գործողությունը դադարեցնելու գործընթաց սկսելու վերաբերյալ» ԱԺ հայտարարության նախագծի քննարկմանը հայտարարեց՝ եվրաինտեգրացիայի կողմնակից է, սակայն դեմ է ԵՏՄ-ից դուռը շրխկացնելով դուրս գալուն:
«Ես կարծում եմ՝ բոլոր պրոբլեմները պետք է տեսնել այստեղ՝ Հայաստանում: Երբ ԵՄ-ն էմբարգո է կիրառում Ռուսաստանի հանդեպ, և մենք ունենք ռացիոնալ ձևով գյուղատնտեսությունը զարգացնելու հեռանկար, բայց մեր երկրի ներսում ծիրանի արտահանումը քվոտավորված է, մի քանի կոնկրետ մարդիկ իրավունք ունեն արտահանելու: Հիմա այստեղ այդ ինտեգրացիոն գործընթա՞ցն է մեղավոր, թե՞ իշխանությունն է մեղավոր»,- ընդգծեց Նաիրա Զոհրաբյանը:
Պատգամավորի խոսքով՝ ցանկացած ինտեգրացիոն գործընթացից հնարավոր է դուրս գալ, եթե ունենք ադեկվատ քաղաքականություն վարող կառավարություն և իշխանություն, որի պարագայում միշտ էլ կարելի է առավելագույնս օգուտ քաղել:
Մանրամասները՝ տեսանյութում:
