03.04.2026 | 09:55
Փեզեշքիանն ու Ալիևն ընդգծել են տարածաշրջանում խաղաղության շուտափույթ հաստատման անհրաժեշտությունը
Կորոնավիրուսի 1․194 ակտիվ դեպք ունեցող Ավստրալիայում 6 շաբաթով մասնակի կարանտին է հայտարարվել․ Sydney Morning Herald
Քաղաքականություն
07.07.2020 | 17:43
COVID-19-ի տարածման պատճառով ավստրալական Մելբուռնում և Վիկտորիա նահանգի մի քանի այլ քաղաքում այսօրվանից վեց շաբաթով պարտադիր ինքնամեկուսացման ռեժիմ է հայտարարվել: Այս մասին հայտնում է ավստրալական Sydney Morning Herald-ը՝ վկայակոչելով նահանգի ղեկավարի համապատասխան հայտարարությունը։
Աղբյուրի փոխանցմամբ՝ բնակիչներին կթույլատրվի տնից դուրս գալ միայն աշխատանքի, բժշկի գնալու, մարզվելու կամ առաջին անհրաժեշտության գնումներ կատարելու նպատակով։ Նոր սահմանափակումների համաձայն՝ կարգելվեն մարդկային կուտակումները։ Ուսումնական հաստատություններում չեղարկվել են դասընթացները: Աշակերտներն ու ուսանողները կանցնե հեռավար ուսուցման: Խանութներն ու սուպերմարկետները կշարունակեն աշխատել, սակայն՝ սահմանափակ թվով մարդկանց սպասարկելու պայմանով։ Նշվում է, որ իշխանությունները խստացումների անցնելու որոշում են կայացրել այն բանից հետո, երբ մեկ օրում արձանագրվել է COVID-19-ի 191 նոր դեպք:
Համավարակի վիճակագրությունը ներկայացնող Worldometers.info կայքի տվյալներով՝ Ավստրալիայում կորոնավիրուսով վարակման դեպքերի ընդհանուր թիվը 8․755 է, իսկ մահվան ելքերինը՝ 106։ Երկրում COVID-19-ի ակտիվ դեպքերը 1․194-ն են։
Նելլի Մելքոնյան
