25.04.2026 | 09:21
Դավիթ Չալոյանն ապրիլի 24-ին հաղթել է թուրք բռնցքամարտիկի ու դուրս եկել կիսաեզրափակիչ․ ՏԵՍԱՆՅՈՒԹ
COVID-19-ի պատճառով՝ աշխարհում սովի մատնված մարդկանց թիվը կարող է 1 միլիարդի հասնել․ Deutsche Welle
Քաղաքականություն
07.07.2020 | 16:59
Նոր տեսակի կորոնավիրուսի պատճառով՝ աշխարհում սովի մատնված մարդկանց թիվը կարող է 1 միլիարդի հասնել։ Մասնավորապես՝ Աֆրիկայում և հարավային կիսագնդի այլ երկրներում COVID-19-ով վարակման դեպքերն աճում են, շատերը կորցնում են աշխատատեղերը, տնտեսությունը մեծապես տուժում է, պարենային ապրանքների գները բարձրանում են, իսկ առողջապահական համակարգերը դժվարությունների են հանդիպում։ Այս մասին հայտնում է Deutsche Welle-ն՝ հղում կատարելով «Welthungerhilfe» բարեգործական կազմակերպության գործադիր տնօրեն Մարլեն Թիմին, որն այսօր Բեռլինում ներկայացրել է կազմակերպության տարեկան զեկույցը:
«Կորոնավիրուսը սրում է մինչ այժմ գոյություն ունեցող այն խնդիրներն ու ճգնաժամերը, ինչպիսիք են երաշտը, կլիմայի փոփոխությունը, զինված բախումները և առողջության համակարգի սխալները։ Ավելին՝ աշխարհում սովի մատնված մարդկանց թիվն առաջիկա ամիսներին կարող է աճել։ Համաճարակի հետևանքներից հիմնականում կտուժեն զարգացող և անցումային տնտեսություն ունեցող երկրները»,- նշվում է զեկույցում:
Welthungerhilfe- ի տվյալներով՝ այժմ աշխարհում սովի է մատնված մոտ 821․6 միլիոն մարդ, ինչն աշխարհի բնակչության մոտ 11%-ն է: Միևնույն ժամանակ, 47 երկրում իրավիճակը գնահատվում է լուրջ, շատ լուրջ կամ աղետալի:
Հավելենք, որ ըստ Worldometers.info վիճակագրական կայքի՝ աշխարհում COVID-19-ի ակտիվ դեպքերը 4․463․612-ն են, որից 57․889-ը՝ ծանր կամ ծայրահեղ ծանր։
Նելլի Մելքոնյան
