06.03.2026 | 23:30
ԱՄՆ կոնգրեսականները պահանջում են հետաքննել Վաշինգտոնում Ալիևի անվտանգության աշխատակիցների հետ կապված միջադեպը
Ոչ մի երկիր չի փորձում միայնակ գոյատևել, ուր մնաց՝ Հայաստանը. Խոսրով Հարությունյան
Քաղաքականություն
27.11.2017 | 14:22
«Ելք» խմբակցության հեղինակած «ՀՀ մասով Եվրասիական տնտեսական միության պայմանագրի գործողությունը դադարեցնելու գործընթաց սկսելու վերաբերյալ» ԱԺ հայտարարության նախագծի քննարկմանը ԱԺ ՀՀԿ խմբակցության պատգամավոր Խոսրով Հարությունյանը հայտարարեց՝ լուրջ քաղաքականության մասին խոսելիս պետք է հաշվի առնել երկու բան՝ իրողություն և հնարավորություն:
«Ոչ մի երկիր չի փորձում միայնակ գոյատևել, այսօր գլոբալ տնտեսական միջավայրում ոչ մի երկիր չի փորձում միայնակ գոյատևել, ուր մնաց՝ Հայաստանը: Բոլորը փորձում են անդամագրվել մեգատնտեսությունների մեջ և օգտվել այդ մեգատնտեսությունների հնարավորություններից: Այդ կոնտեքստում Հայաստանի ընտրությունը շատ մեծ չէր»,- նշեց Խոսրով Հարությունյանը:
Ըստ պատգամավորի՝ Հայաստանի համար ամենամատչելի շուկան ԵՏՄ-ն է, մասնավորապես՝ Ռուսաստանը, սակայն դա չի նշանակում, որ Հայաստանը չպետք է խորշի այլ շուկաներից:
«Արդյո՞ք ԵՏՄ շուկան երաշխիքներ է ստեղծում մրցունակ արտադրանք ունենալու համար, ո՛չ: Այն ընդամենը երաշխիք է ստեղծում ապրանքն իրացնել, եթե այն մրցունակ է: Այդ տեխնոլոգիաներն Արևմուտքում են, օգտվե՞լ դրանցից, անշուշտ,այո՛»,- հավելեց Խոսրով Հարությունյանը:
Մանրամասները՝ տեսանյութում:
