13.05.2026 | 21:47
Ջանես Նազարյանը՝ մինչև 17 տարեկանների հունահռոմեական ոճի ըմբշամարտի Եվրոպայի չեմպիոն
Էրդողանը Թրամփից կրկին պահանջել է արտահանձնել Գյուլենին
Քաղաքականություն
27.11.2017 | 14:02
Նոյեմբերի 26-ին Թուրքիայի և ԱՄՆ-ի նախագահներ Ռեջեփ Թայիփ Էրդողանի և Դոնալդ Թրամփի միջև հեռախոսազրույց է տեղի ունեցել:
Ըստ թուրքական «Hürriyet» թերթի կայքի՝ հեռախոսազրույցը կայացել է Թուրքիայի իշխող «Արդարություն և զարգացում» (ԱԶԿ-AKP) կուսակցության կենտրոնական և գործադիր խորհրդի (MKYK) նիստից առաջ. փոխանցում է EH-ն:
Նիստին, որը նախագահել է երկրի վարչապետ Բինալի Յըլդըրըմը, մասնակցել է նաև Էրդողանը: Թուրքիայի նախագահը նիստի մասնակիցնե կրկին պահանջել է իսլամի քարոզիչ, ամերիկաբնակ միլիարդատեր Ֆեթթուլահ Գյուլենի արտահանձնումը: Վերջինս Թուրքիայի իշխանությունների մեղադրվում է 2016թ. հուլիսի 15-ին Թուրքիայում տեղի ունեցած ռազմական հեղաշրջման փորձը նախաձեռնելու մեջ:
Ի պատասխան Թրամփն ասել է, որ ամերիկյան իշխանությունները Գյուլենի հարցը նորից ուսումնասիրում են:
Էրդողանը ԱՄՆ-ի նախագահի հետ քննարկել է տարածաշրջանային մի շարք խնդիրներ, ինչպես նաև թուրք-ամերիկյան հարաբերություններին առնչվող առանցքային այլ հարցեր:
Աղբյուրը շեշտում է, որ Էրդողան-Թրամփ հեռախոսազրույցի պատճառով MKYK-ի նիստը 2 ժամ ուշացումով է մեկնարկել:
