09.10.2026 | 11:05
COP17-ին ընդառաջ Կառավարությունը ԱԺ-ում օրենքի նախագիծը ներկայացնելու պատասխանատու է նշանակել
Դիմակը չպետք է իջեցնենք, ինչպես չենք հանում շորերը և մերկ ման գալիս փողոցում. Արսեն Թորոսյան. ՏԵՍԱՆՅՈՒԹ
06.07.2020 | 19:37
Դիմակների պատշաճ կրումը Հայաստանում ևս ապացուցվել է, որ էֆեկտիվ է, քանի որ եթե այդպես չլիներ, մենք օրական ունենալու էինք ոչ թե 500-700 դեպք, այլ շատ ավելի շատ դեպքեր։ Այս մասին այսօր պարետատան ճեպազրույցի ժամանակ ասաց առողջապահության նախարար Արսեն Թորոսյանը։
«Այն քաղաքացիները, որոնք պատշաճ կրել են դիմակները, իրենց այդ վարքագծով կանխել են տասնյակ հազարավոր մահեր»,- նշեց Թորոսյանը։
Նախարարը հորդորեց սահմանափակել շփումները և մնացած բոլոր դեպքերում պահել 3 պարզ կանոնները․ կրել դիմակ, պահել սոցիալական հեռավորություն, ախտահանել ձեռքերը։ «Սրանք պետք է դարձնել մեր կենսակերպի ձև։ Մենք տանից դուրս չենք գալիս առանց կոշիկի, ուրեմն չպետք է դուրս գանք առանց դիմակների, չպետք է մեր դիմակն իջեցնենք դնչի տակ, չպետք է բացենք քիթը, ինչպես, օրինակ, չենք հանում մեր շորերը և մերկ ման գալիս փողոցում։ Ծիծաղելի օրինակներ եմ բերում, բայց հիմա այդ է, որ մեզ պետք է պաշտպանի այս մարտհրավերից»․- մասնավորապես նշեց նախարարը։
Մանրամասները՝ տեսանյութում։
