31.03.2026 | 12:10
ՌԴ-ն՝ հայկական երկաթուղու կոնցեսիան փոխանցելու մասին // Երևան-Կապան չվերթները վերականգնվել են․ ԼՈՒՐԵՐ
ԵՏՄ-ն մեզ ոչինչ չի տա, եթե մենք չաշխատենք. Թաթուլ Մանասերյան
Տնտեսություն
27.11.2017 | 14:10
ԱԺ«Ելք» խմբակցության հեղինակած «ՀՀ մասով Եվրասիական տնտեսական միության պայմանագրի գործողությունը դադարեցնելու գործընթաց սկսելու վերաբերյալ» ԱԺ հայտարարության նախագծի քննարկմանը տնտեսագետ Թաթուլ Մանասերյանը մինչ բուն ելույթին անցնելը հայտարարեց, որ ողջունում է քննարկման անցկացումը, որովհետև հնարավորություն է տրվում արտահայտել հակադիր կարծիքներ: Ապա տնտեսագետն անդրադարձավ ներդրումների հետ կապված «Ելք»-ից Արամ Սարգսյանի ելույթին:
«Չե՞ք կարծում, որ մենք չափից շատ ենք տուրք տալիս օտարերկրյա ուղղակի ներդրումներ արտահայտությանը: Ճիշտ եք, ներդրումները տարեցտարի նվազում են, հիմա ես հարց եմ ուզում տալ՝ ինչո՞ւ չենք խոսում ներքին ներդրումների մասին, ինչո՞ւ օտարերկրացին պետք է գա ներդրումներ անի, իսկ ներքին ներդրումներ չլինեն»,- հարց հնչեցրեց տնտեսագետը:
Թաթուլ Մանասերյանը նշեց՝ ուրախ է, որ Հայաստանը կարողանում է «և-և»-ի քաղաքականություն վարել:
«Ենթադրենք, «Ելք» դաշինքի ասածն ընդունվում է, որ վաղը դուրս ենք գալիս ԵՏՄ-ից, շատ կոնկրետ փաստարկ եմ ուզում բերել, ընդամենը մի քանի օր առաջ կարծում եք Լավրովն իզո՞ւր ասաց, որ ողջունում է Ադրբեջանի անդամակցությունը ԵՏՄ-ին, որն արդեն Հայաստանի փոխարեն կունենա վետոյի իրավունք՝ ցանկացած հարցին վետո դնելու, որը չի բխում Ադրբեջանի շահերից»,- շարունակեց տնտեսագետը:
Մանրամասները՝ տեսանյութում:
